‘पुष्पा’ के सामी-सामी गाना म उर्वशी साहू, काजल सोनबेर, हेमा शुक्ला, इशिका यादव, रेणु राय अउ काजल श्रीवास के जबरदस्त डांस, फिलिम के कमाई 300 करोड़ के पार

सिनेमा। साउथ के जबरदस्त फिलिम ‘पुष्पा’ के कमाई देस म 300 करोड़ ले आगर होवत हाबे। साउथ के संग हिन्दी भासी राज म तको दरसक मनके गजब मया दुलार मिलत हाबे। सिनेमा के दुनिया म फिलिम ल जतके लोगन मया करथे ओकर ले आगर तो सिरिफ गीत के चाहने वाला हावय। लोगन फिलिम के लोकप्रिय गीत सामी-सामी म डांस के एक-ले-सेक वीडियो बनाके सोशल मीडिया म शेयर करत हाबे। देखव ओसरी पारी कलाकार उर्वशी साहू, कालज सोनबेर, हेमा शुक्ला, इशिका यादव, रेणु राय अउ काजल श्रीवास के झमाझम डांस वीडियो-

फिलिम कलाकार उर्वशी साहू के डांस- 

छत्तीसगढ़ के चरित्र कलाकार म सबले चर्चित नाम उर्वशी साहू जी के सामी-सामी गाना म जबरदस्त डांस हाल ही म सोशल मीडिया के इंस्टाग्राम म अपलोड होवए हावय। ओमन के ड्रेस के संग गाना के भाव गजब के फबे हावय। संग म कलाकार विक्रम राज के भावनाभिनय मन मोहत हावय। 

अभिनेत्री काजल सोनबेर के डांस- 

वीडियो एल्बम के दुनिया के सबले चर्चित कलाकार काजल सोनबेर जेकर अभी दू नवा फिलिम तको अवइया हावय, ओमन के सामी-सामी डांस तो खूब वायरल होए हाबे। छत्तीसगढ़ी पहनावा म बहुत ही सुघ्घर दिखत हावय। 

अभिनेत्री हेमा शुक्ला के डांस- 

बिलासपुर अंचल के वायरल गर्ल अउ सिने जगत के लोकप्रिय अदाकारा हेमा शुक्ला तको शानदार तरीका ले सामी-सामी म डांस दिखाये हाबे। केऊ वीडियो एल्बम अउ फिलिम ले छॉलीवुड म नवा चिनहारी बनइया हेमा के ये अदा घातेच सुघ्घर फबत हाबे।

अभिनेत्री इशिका यादव के डांस- 

वीडियो एल्बम अउ सोशल मीडिया के चर्चित चुलबुली अदाकारा इशिका यादव तको सामी-सामी म जबरदस्त डांस करे हावय।

अभिनत्री रेणु राय के डांस- 

वीडियो एल्बम ले अपन नवा चिन्हारी बनइया राजनांदगांव के कलाकार रेणु राय तको अपन संगी मनके संग पुष्पा के सामी-सामी गाना म जबरदस्त ग्रुप डांस करे हावय। 

अभिनेत्री अउ मॉडल काजल श्रीवास के डांस- 

भिलाई नगर के खुबसूरत अभिनेत्री, मॉडल अउ सोशल वर्कर काजल श्रीवास के सोशल मीडिया म गजब चाहने वाला हावय अउ काजल ह उंकर मया दुलार पाये खातिर वीडियो बनाथे। यहू गाना म फेर एक पइत शानदार डांस ले खूब मया बटोरत हावय। 

अपन गोठ- 

छत्तीसगढ़ी सिनेमा कहू बॉलीवुड के बजाए साऊथ के नकल करतिस ततो एकात फिलिम का सबोच हिट साबित होतिस। वइसे हर साल छॉलीवुड तको हिट फिलिम देथे, फेर रोना इही बात के हावय इहां दर्शक के संग टाकीज के कमी हावय। अइसन म साऊथ के सिनेमा ही आन क्षेत्रिय सिनेमा के बेड़ा पार लगाव सकत हाबे। येकर सबले बड़का उदाहरण हावे अल्लू अर्जुन, रश्मिका मंदाना, फहद फासिल, धनंजय, राव रमेश, सुनील, अनसूया भारद्वाज अउ अजय घोष अभिनीत फिलिम पुष्पा। फिलिम सफलता के बात करे जाए तो एक पइत का पांच पइत देखे के लइक हावय। अल्लू अर्जुन अउ रश्मिका मंदाना के हर संवाद अउ गाना म दर्शक मन आनंद लेथे। 

• फिल्म - पुष्पा
• निर्देशक - सुकुमार
• निर्माता - नवीन येर्नेनी, वाई. रवि शंकर
• लेखक - सुकुमार
• अभिनेता - अल्लू अर्जुन, रश्मिका मंदाना, फहद फासिल
• संगीतकार - देवी श्रीप्रसाद
• छायाकार - मिरोसाव कुबा बरोकज़
• संपादक - कार्तिका श्रीनिवास, रुबेन 
• स्टूडियो - मैत्री मूवी मेकर, मुत्तमसेट्टी मीडिया
• वितरक - ई4 एंटरटेनमेंट (केरल) लाइका प्रोडक्शंस, श्री लक्ष्मी मूवीज (तमिलनाडु), गोल्डमाइंस टेलीफिल्म्स, एए फिल्म्स (उत्तर भारत), स्वगत इंटरप्राइजेज (कर्नाटक)
• प्रदर्शन - 17 दिसम्बर 2021
• देश -भारत
• भाषा - तेलुगू

कलाकार अउ उंकर किरदार के नाम 

• अल्लू अर्जुन - पुष्पा राज 
• रश्मिका मंदाना - श्रीवल्ली 
• फहद फासिल - भंवर सिंह शेखावत आईपीएस
• धनंजय - जॉली रेड्डी
• सुनील - मंगलम श्रीनु 
• अजय घोष - कोंडा रेड्डी
• राव रमेश भूमिरेड्डी - सिद्दप्पा नायडू 
• जगदीश प्रताप - बंडारी केशव
• शत्रु - डीएसपी गोविंदप्पा
• अनसूया भारद्वाज - दक्षिणायनी
• अजय - पुष्पा के सौतेला भाई
• श्रीतेज - पुष्पा के सौतेला भाई
• माइम गोपी चेन्नई - मुरुगन

फिलिम के बारे म आगू अऊ पढ़व खाल्हे के लिंक ल चपक के-

‘पुष्पा’ के गाना छॉलीवुड म तको राहित मता देहे गउकिन चारो मुड़ा ‘सामी सामी’ होवथे, क्षेत्रिय सिनेमा म साऊथ निकलिस सबके बाप, कमई 80 करोड़ के पार

छॉलीवुड के मशहूर अदाकारा उर्वशी साहू के नवा चैनल 2 जुलाई के लॉच होही : उर्वशी साहू एंटरटेनमेंट

‘पुष्पा’ के सामी-सामी गाना म उर्वशी साहू, काजल सानबेर, हेमा साहू, इशिका यादव, रेण राय अउ काजल श्रीवास के जबरदस्त डांस, फिलिम के कमाई 300 करोड़ के पार