छत्तीसगढ़ी फिलिम देखइया मन खातिर 2026 के मई महीना ह खशी के सौगात लेके आवत हे। हमर छॉलीवुड म ये दरी मया-पिरीत, पारिवारिक ड्रामा अउ जबरदस्त मनोरंजन के तड़का बर तइयार हे। अंजोर के हमेशा कोसिस रहिथे कि हमन अपन भाखा अउ चिनहारी ल आगू बढ़ावन। एही कड़ी म, हम आप मन ला बतावत हवन उही बहुप्रतीक्षित फिलिम मन के बारे म, जेकर अगोरा दर्शक मन कतको दिन ले करत हवय।
मई 2026: फिलिम रिलीज कैलेंडर
मई महीना म रिलीज होय बर तइयार फिलिम मन के सूची इहाँ हे:
1 मई 2026 - प्रेम रोग: महीना के शुरुआत एक सुग्घर मया के कहानी के संग होही, जेमा अनिल सिन्हा अउ शालिनी विश्वकर्मा मुख्य भूमिका मा नजर अइहें।
8 मई 2026 - मोला लव होगे: जुवा मन के पसंद ला धियान मा रख के ये रोमांटिक फिलिम ला रिलीज करे जावत हे, जेमा आयुष राजवैद्य अउ तिरांजलि गोस्वामी के जोड़ी मन ला मोह लिही।
15 मई 2026 - मयारू भौजी 2: पारिवारिक मनोरंजन अउ सुपरहिट फिलिम के दूसर भाग के अगोरा अब सिरा गे हे। एमा मन कुरैशी अउ आस्था शर्मा लीड रोल मा नजर अइहें।
29 मई 2026 - मोर जहुॅंरिया: मई के आखिरी हफ्ता मा दो बड़े फिलिम एक साथ रिलीज होवत हे। 'मोर जहुॅंरिया' मा अजय पटेल अउ शालिनी विश्वकर्मा के दमदार अदाकारी देखे ला मिलही
29 मई 2026 - दिलदार मोर यार: एही दिन अज्जु सतपथी, भूपेश लिल्हारे अउ दीपिका सिंह के फिलिम 'दिलदार मोर यार' घलो सिनेमाघर मा प्रदर्शित होही।
छत्तीसगढ़ी संस्कृति अउ सिनेमा ला बढ़ावा दे बर हमर ये अभियान ले जुड़े रहव। फिलिम मन ले जुड़े हर छोटे-बड़े अपडेट अउ जानकारी बर www.anjor.online ला देखत रहव।
आप मन ये पाँचों फिलिम म कोन ला देखे बर सबले जादा उत्साहित हव? हमन ला कमेंट बॉक्स म जरूर बताव!
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।