छॉलीवुड के मशहूर अदाकारा उर्वशी साहू के नवा चैनल 2 जुलाई के लॉच होही : उर्वशी साहू एंटरटेनमेंट

अंजोर
0
सिनेमा.26। छॉलीवुड के मशहूर अदाकारा उर्वशी साहू ह अब सोशल मीडिया म यूट्यूब चैनल के माध्यम ले लोगन के मनोरंजन करे के तइयारी म हाबे। कोरोना राई के सेती बंद परे सिनेमाघर अउ सांस्कृतिक कार्यक्रम के दौर म निश्चित ही सोशल मीडिया ह एक नवाचार के रूप म दर्शक मनके संगे-संग कलाकार मनला तको मंच देही। ओमन वीडियो के माध्यम ले जानकारी दे हाबे के अवइया 2 जुलाई के ‘उर्वशी साहू एंटरटेनमेंट’ नाम के यूट्यूब चैनल लॉच होही। जेमा कचरा-बोदरा के जबरदस्त हास्य वीडियो देखे बर मिलही। साथ ही कलाकार उर्वशी साहू ह अपन बेटा आदित्य साहू अउ अंकित साहू के साथ अंशिका ल तको कला जगत म डेब्यू कराही, नवा-नवा वीडियो के माध्यम ले यूट्यूब चैनल म।


उर्वशी साहू जी मन छत्तीसगढ़ी सिनेमा म बड़का मुकाम म तो हाबे संगे-संग ओमन छत्तीसगढ़ी सांस्कृतिक कार्यक्रम तको चलाथे। श्रीमती साहू ह छॉलीवुड के लगभग एक तिहाई फिलिम म अपन अभिनय के जौहर दिखाये हाबे। अब उंकर अगुवई म अवइया ‘उर्वशी साहू एंटरटेनमेंट’ चैनल म आदित्य, अंकित अउ अंशिका के शॉट फिल्म के आनंद लेबो। दर्शक मन तको तइयार राहव, अवइया 2 जुलाई के लॉच होही ए चैनल ह गजब अकन वीडियो के साथ।

👉 https://www.facebook.com/urvashi.sahu.9022662/videos/323559698642571/

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !