सिनेमा.ए। छत्तीसगढ़ के बहुप्रतिक्षित फिलिम ‘द जोगी’ के सूटिंग सुरू होगे हावय। पाछु दिन ले देवेन्द्र जांगड़े अउ ओखर टीम ह जोर-सोर ले तइयारी म फदके रिहिस। इही बीच सोशल मीडिया म उड़ती खबर तको आवत रिहिसे के फिलिम के गाना के काम बंबई म होगे हावय। अब कलाकार मनके चयन के बाद कुछ फिल्मांकन के काम सुर कर दे हावय।
एक आम आदमी के प्रेरणा, राजनीति के महानायक, विद्वान अउ प्रखर वक्ता माननीय अजीत जोगी जी के जीवन म फिलिम बनाना बहुत बड़का अउ गरब करे बात आए। जब कोनो के जीवन म फिलिम बनथे तव निर्देशक अउ निर्माता के जिम्मेदारी भारी बाड़ जथे। अउ ये बुता म रमे हावय अख्खड़ छत्तीसगढि़या कलाकार, निर्माता, निर्देशक देवेन्द्रक जांगड़े। मिले आरो के मुताबिक फिलिम म अभी जोगी जी के नानपन के दिन ल फिल्माये जाथे। जेमा महतारी के भूमिका म हावय छॉलीवुड के चर्चित अदाकारा उर्वशी साहू जी संग म पिता के भूमिका म नजर आही छत्तीसगढ़ी के संग हिन्दी सिनेमा म तको अपन बड़का चिन्हारी बनइया कलाकार विक्रम राज।
सूटिंग के पहिली पीक देखे बर मिलिस कलाकार उर्वशी साहू के सोशल मीडिया प्लेूटफार्म ले। ओमन ल बहुत ही सुंदर पहनावा दे हावय, संग म विक्रम राज अउ डोकरी दाई तको दिखत हावय। अजीत के उमर अभी दू साल के कोरा के लइका के उमर हावय। कुछ दिन बाद फिलिम के सेट म बस्तर के वायरल बॉय बसपन का प्यार फेम सहदेव दिरदो नजर आही।
- फिल्म :- द अजीत जोगी
- निर्माता :- अरविंद कुर्रे
- निर्देशक :- देवेन्द्र जांगड़े
- संगीतकार :- हेमलाल चतुर्वेदी
- कलाकार :- राज साहू, देवेन्द्र जांगडे, शिखा चितांबरे, सहदेव दिरदो, उर्वशी साहू, विक्रम राज
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।