फिलिम के बात करे जाए तो एक पइत का पांच पइत देखे के लइक हावय। अल्लू अर्जुन अउ रश्मिका मंदाना के हर संवाद म दर्शक मन आनंद लेथे। देखइया मनके चीहूर अउ हूड़दंग देखके पुष्पा के बनइया अउ कलाकार मनके जी गदगद होगे होही।
Pushpa : Saami Saami - Full Video Song | Allu Arjun, Rashmika Mandanna | Sunidhi C | DSP | Sukumar
छत्तीसगढ़ के डिजिटल प्लेटफार्म के इंस्टाग्राम, फेसबूक, ट्विटर उक म वीडिया बनइया मन इही गाना म भारी अतलंग करत हाबे। अल्लू अर्जुन अउ रश्मिका मंदाना के डांस ल तको पाछू छोड़ दिही तइसे लागथे। छोट कलाकार मनके का किबे अब तो छॉलीवुड स्टार मन तको सामी सामी म आनंद लेवत हाबे। इंस्टाग्राम म अभी अभिनेत्री काजल सोनबेर के सामी सामी म डांस ल लोगन मन गजब मन करत हाबे। नदिया के कछार म खड़ अभिनेत्री काजल सोनबेर ह पिवरा आंछी के करिया रंग के लुगरा अउ करियच के पोलखा संग छत्तीसढि़या गहना-गुठा के सवांग करे हावय। काजल ल छत्तीसगढ़ी पोषाक चूकचूक फबथे तको। अइसने मन मोहनी रूप म कहू पुष्पा के सामी सामी गाना म डांस होगे त तो गउकिन करेजा चिर देथे। अइसने अऊ कतकोन कलाकार मनके वीडियो ले छॉलीवुड तको सामी सामी करत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।