अंजोर.रायपुर, 29 जनवरी। धार्मिक न्यास अउ धर्मस्व मंत्री ताम्रध्वज साहू के अध्यक्षता म राजिम माघी पुन्नी मेला के केंद्रीय समिति के बइठक राजिम नगर पंचायत के मंगल भवन म संपन्न होइस। बइठक म विशिष्ट अतिथि के रूप म खाद्य अउ गरियाबंद जिला के प्रभारी मंत्री अमरजीत भगत, राजिम विधायक अमितेश शुक्ल तको मौजूद रिहिस। बइठक म राजिम माघी पुन्नी मेला के तइयारी के संबंध म विस्तार ले गोठबात करे गिस। बइठक म धर्मस्व मंत्री श्री साहू ह किहिन के परंपरा के मुताबिक ए साल राजिम माघी पुन्नी मेला के आयोजन 16 फरवरी ले 1 मार्च तक होही। ए बखत 3 स्नान परब 16 फरवरी, 23 फरवरी अउ 1 मार्च के होही।
ओमन किहिन के कोविड प्रोटोकॉल के पालन करत राजिम माघी पुन्नी मेला के आयोजन करे जाही। ओमन साफ करिन के मेला म श्रद्धालु मनके सहूलियत अउ सुरक्षा ल देखत होए व्यवस्था पूर्ववत रिहि। बेरिकेडिंग, सुरक्षा अउ भीड़ के नियंत्रित करे के खातिर पुलिस प्रशासन डहर ले जरूरी व्यवस्था करे जाही। मंत्री श्री साहू ह किहिन के लोगन के सुविधा के खातिर पहिली आयोजन के रकम ले सड़क, शौचालय, बिजली, पानी, स्वास्थ्य सफाई उक के बेवस्था करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।