छत्तीसगढ़ म मुख्यमंत्री सुपोषण अभियान ल मिलिस बड़का सफलता

अंजोर.रायपुर, 05 मार्च। छत्तीसगढ़ म चलाये जात मुख्यमंत्री सुपोषण अभियान ल बड़का सफलता मिले हावय। प्रदेस म महिला अउ बाल विकास विभाग डहर ले साल 2016 ले 2022 तक आयोजित वजन त्यौहार के आंकड़ के मुताबिक कुपोषण के दर म लगातार कमी आये हावय। येकर चलत बच्चा कुपोषण के दर 30.13 परतिसत ले घटके अब मात्र 19.86 परतिसत रही गे हावय। राज्य म कुपोषण दर म लगभग 10.27 परतिसत के कमी एक उल्लेखनीय उपलब्धि हावय। छत्तीसगढ़ म 2 अक्टूबर 2019 ले शुरू होए मुख्यमंत्री सुपोषण अभियान के चलत एक लाख 70 हजार बच्चे कुपोषण मुक्त होए हावयं।  

मुख्यमंत्री सुपोषण अभियान

जानबा होवय के महिला अउ बाल विकास विभाग डहर ले वजन तिहार के डहर ले अवधि बिसेस म सबो बच्चा के वजन ले जाके पोषण स्तर ज्ञात करे जात हावय। विभाग डहर ले जुलाई 2021 म लगभग 22 लाख बच्चा के 10 दिन के भीतर वजन ले गिस अउ कुपोषण के परिणाम निकाले गिस। राज्य शासन डहर ले वजन त्यौहार के आंकड़ के सत्यापन बाह्य एजेंसी डहर ले तको कराए जाये के व्यवस्था सुनिश्चित करे गे हावय।