कोलकाता/रायपुर। पश्चिम बंगाल विधानसभा चुनाव के गिनती (मतगणना) आज जारी हे, जेकर शुरुआती रुझान मन ह सबला चौंका हे। अभी तक मिले जानकारी के मुताबिक, भारतीय जनता पार्टी (भाजपा) ह राज्य म जबरदस्त बढ़त बना ले हे अउ बहुमत के आंकड़ा कोति मजबूती ले बढ़त हे।
अब तक मिले रुझान के आधार म, कुल 251 सीट के स्थिति साफ हो चुके हे। एमा भारतीय जनता पार्टी (BJP) अभी 167 सीट म आगू चलत हे। उहीं, राज्य के सत्ता म काबिज ऑल इंडिया तृणमूल कांग्रेस (AITC) अभी 80 सीट के संग दूसरे नंबर म हे। फिलहाल कोनो भी सीट म आधिकारिक जीत के घोषणा नई होए हे, फेर बढ़त के ये आंकड़ा बंगाल के राजनीतिक तस्वीर ल बदलत दिखत हे।
मुख्य मुकाबला ले हटके दूसर क्षेत्रीय अउ राष्ट्रीय दल मन के स्थिति बहुत कमजोर दिखत हे। भारतीय गोरखा प्रजातांत्रिक मोर्चा (BGPM), आम जनता उन्नयन पार्टी (AJUP), भारतीय कम्युनिस्ट पार्टी (मार्क्सवादी) यानी CPI(M) अउ ऑल इंडिया सेकुलर फ्रंट (AISF) अभी सिर्फ एक-एक सीट म बढ़त बनाए हुए हे।
ये शुरुआती रुझान मन ह बंगाल ले लेके दिल्ली तक के राजनीतिक गलियारा म हलचल तेज कर दे हे। भाजपा खेमा म जहाँ उत्साह के माहौल हे, वहीं टीएमसी बर ये आंकड़ा चिंता के विषय बने हुए हे। जानकार मन के कहना हे कि जैसे-जैसे गिनती के अउ राउंड पूरा होही, स्थिति अउ साफ हो जाही। फिलहाल सब झन के नज़र आखिरी नतीजा म टिके हे कि का भाजपा ये बढ़त ल बरकरार रख पाही या ममता बनर्जी के पार्टी वापसी करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।