महूँ दिलवाला तहूँ दिलवाली: 12 जून के रिलीज होही नवोदित अदाकारा प्राची ठाकुर के पहिली फिल्म

छत्तीसगढ़ी फिल्म इंडस्ट्री में एक बार फेर मया-पिरीत अउ मनोरंजन के बहार आवे बर तइयार हे। एस.जे. फिल्म्स प्रोडक्शन के बैनर तरी बने फिल्म 'महूँ दिलवाला तहूँ दिलवाली' के नवा गाना जारी होते ही दर्शक मन के बीच भारी उत्साह देखे बर मिलत हे। ये फिल्म 12 जून 2026 के सिनेमा घर मन में रिलीज होही, जेकर ले एसो के गर्मी के छुट्टी में दर्शक मन ला छत्तीसगढ़ी संस्कृति अउ मनोरंजन के जबरदस्त तड़का मिलही।

महूँ दिलवाला तहूँ दिलवाली फिल्म 12 जून के रिलीज डेट

फिलिम के जारी अधिकारिक पोस्टर में फिल्म के मुख्य कलाकार आयुष राजवैद्य अउ नवोदित अदाकारा प्राची ठाकुर के बीच नोक-झोंक अउ एक जबरदस्त केमिस्ट्री साफ झलकत हे, जेन ये इशारा करथे कि ये कहानी जुवा पीढ़ी के पसंद ला ध्यान में रख के बनाय गे हे।

नवा जोड़ी अउ शानदार केमिस्ट्री

चॉकलेटी हीरो आयुष अउ सुंदरी मुंदरी हीरोइन प्राची ठाकुर के लुक काफी आधुनिक अउ शहरी हे, जेन आज के बदलत छत्तीसगढ़ी सिनेमा के स्वरूप ल दरसाथे। पोस्टर के बैकग्राउंड में एक मनखे के गंभीर चेहरा घलो दिखत हे, जेन ह कहानी में कोनो बड़े पारिवारिक मोड़ के संकेत देथे।

फिल्म के सुंदर लोकेशन

ये फिल्म के निर्माण एस.जे. फिल्म्स (LLP) प्रोडक्शन के बैनर तले होय है। पोस्टर में दिखत कलाकार मन के पहनावा अउ लुक काफी आधुनिक अउ शहरी हे, जो आज के समय के छत्तीसगढ़ी सिनेमा के बदलत स्वरूप ला दरसाथे। फिल्म के संगीत ला सुनील सोनी जइसन दिग्गज कलाकार ह सजाय हे, जेकर से ये उम्मीद जगाथे कि फिल्म के गाना मन घलो जबरदस्त हिट होही। फिल्म में मया के संग-संग पारिवारिक ड्रामा अउ कॉमेडी के घलो मेल देखे बर मिल सकथे, जो हर वर्ग के दर्शक ला बांध के रखही।

फिलिम के तकनीकी पक्ष

• लेखक अउ निर्देशक: नीरज विक्रम 
• निर्माता: रॉकी दासवानी, नीरज विक्रम अउ भारती विक्रम
• गायक: सुनील सोनी अउ कंचन जोशी
• गीतकार: अशोक तिवारी
• संगीत निर्देशक: सुनील सोनी
• कोरियोग्राफर: नंदू तांडी
• डीओपी (DOP): सिद्धार्थ सिंह
• संपादक: तुलेंद्र पटेल
• आर्ट डिजाइन: अश्विनी जांगले
• मेक-अप: तारिणी दुबे (गोरा)
• प्रोडक्शन मैनेजर: राजू नागरची