रायपुर: छत्तीसगढ़ी सिनेमा (Chhollywood) म मया, ड्रामा अउ मनोरंजन के एक नवा अध्याय लिखे बर 'लीची ड्रीमलैंड स्टूडियो' ह कमर कस तइयार हे। निर्माता आर्यन जैन अउ निर्देशक संजय जैन के सुग्घर जुगलबंदी म बने छत्तीसगढ़ी फिल्म 'प्रेम रोग' के अधिकारिक पोस्टर जारी कर दे गे हे। फिल्म ह 1 मई 2026 ले नजदीकी सिनेमाघर मन म रिलीज होही। पोस्टर के लुक अउ डॉक्टरी क्लिनिक (Clinic) के बैकग्राउंड ले अइसन लागत हे कि ये ह कोनो साधारण लव स्टोरी (Love Story) नहीं, बल्कि एक मुकम्मल सोशल ड्रामा (Drama) होही, जेमा हास्य अउ रोमांच के तड़का घलो भरपूर हे।
स्टार कास्ट के लम्बा फौज अउ मंझे हुए कलाकार
फिल्म म लीड जोड़ी के रूप म अनिल सिन्हा अउ शालिनी विश्वकर्मा के नवा केमिस्ट्री (Chemistry) देखे बर मिलही। येकर अलावा फिल्म म छत्तीसगढ़ी फिल्म जगत के दिग्गज कलाकार मन के मेला लगे हे, जेमा पुष्पेंद्र सिंह, अंजली सिंह, अमन सागर, भूमि साहू, क्रांति दीक्षित, हेमलाल कौशल, धर्मेंद्र चौबे, संजय जैन, शैल दीक्षित, प्रभा जैन, मनोज वर्मा, लीची जैन, बेबी वर्षा, अनुपम वर्मा अउ सलीम अंसारी जइसन कलाकार मन अपन अभिनय के जलवा बिखेरही। हास्य के बागडोर संजय महानंद जइसन माहिर कलाकार के हाथ म हे, जेन दर्शक मन ल पेट धरके हँसाय बर तइयार हें।
मजबूत तकनीकी टीम अउ मधुर संगीत
फिल्म के गीत-संगीत पक्ष ल सुनील सोनी सही दिग्गज संगीतकार ह अपन धुन ले सजाए हें। गाना मन ल सुनील सोनी, अनुराग शर्मा, कंचन जोशी अउ अनुपमा मिश्रा ह अपन मधुर आवाज दे हें। फिल्म के पटकथा अउ परिकल्पना ल क्रांति दीक्षित ह मूर्त रूप दे हें, जेन फिल्म के 'क्रिएटिव डायरेक्टर' (Creative Director) घलो हें। सह-निर्माता नवीन साहू अउ कार्यकारी निर्देशक सनी सिन्हा के मार्गदर्शन म फिल्म ल एक उच्च स्तर म बनाय गे हे।
क्वालिटी म कोनो समझौता नइ
तकनीकी रूप ले फिल्म ल बेहतर बनाय बर राज ठाकुर (Cinematographer) अउ गौरांग त्रिवेदी (Editor) ह कड़ा मिहनत करे हें। फिल्म के वॉयस डबिंग टी-सीरीज स्टूडियो रायपुर म अउ रिकॉर्डिंग मिलन स्टूडियो कटक म करे गे हे। फिल्म के विजुअल्स ल अउ सुंदर बनाय बर जैकी (J.S. Studio Mumbai) ह कलर ग्रेडिंग करे हे। फिल्म के एक्शन, मेकअप, अउ कॉस्ट्यूम डिजाइन म घलो बारीकी ले ध्यान दिय गे हे। कुल मिलाके 'प्रेम रोग' ह एक अइसन 'कम्प्लीट पैकेज' (Complete Package) हे जेकर इंतजार छॉलीवुड प्रेमी मन ल बेसब्री ले हे। तो 1 मई के तइयार रहूँ, काबर कि 'प्रेम रोग' के मया वाले तीर अब सीधा आपके दिल म उतरही।
- फ़िल्म: प्रेम रोग
- निर्माता: आर्यन जैन
- कंपनी निर्माता: नवीन साहू
- निदेशक: संजय जैन
- कार्यकारी निदेशक: सनी सिन्हा
- क्रिएटिव डायरेक्टर: क्रांति दीक्षित
- कलाकार: अनिल सिन्हा, शालिनी विश्वकर्मा, पुष्पेंद्र सिंह, अंजलि सिंह, अमन सागर, भूमि साहू, क्रांति दीक्षित, हेमलाल कौशल, धर्मेंद्र चौबे, संजय जैन, शैल दीक्षित, प्रभा जैन, मनोज वर्मा, लीची जैन, बेबी वर्षा, अनुपम वर्मा, सलीम अंसारी आदि।
- संगीत: सुनील सोनी
- गायक: सुनील सोनी, अनुराग शर्मा, कंचन जोशी, अनुपमा मिश्रा
- संगीत संयोजक: प्रफुल्ल बेहरा
- रिकॉर्डिंग: मिलन स्टूडियो कटक
- वॉयस डबिंग: टी-सीरीज़ स्टूडियो रायपुर
- छायाकार: राज ठाकुर
- संपादन: गौरांग त्रिवेदी,
- सहा. संपादक: तुषार ठाकुर
- प्रकाश : मिट्ठू खिरो
- मेकअप : कामता नायक, लोकेश साहू, रश्मी
- वेशभूषा : जीवन निषाद, शैल दीक्षित, प्रभा जैन
- प्रोडक्शन मैनेजर: धनराज साहू
- भाषा: छत्तीसगढ़ी
PREM ROG | प्रेम रोग | OFFICIAL TRAILER | Chhattisgarhi Movie | 1 MAY 2026 | ANIL SINHA | SHALINI
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।