पटना/दिल्ली: बिहार के राजनीति में 5 मार्च 2026 के तारीख ह इतिहास के पन्ना में दर्ज हो गे हे। करीबन बीस बछर तक बिहार के सत्ता के मालिक रहे नीतीश कुमार ह मुख्यमंत्री के कुर्सी ला त्याग के राज्यसभा बर नामांकन भर दीस हे। फेर का ये ह ओतका सीधा दिखत हे जतका हे? या फेर परदा के पीछे कोनो बड़े 'खेला' होवत हे?
सस्पेंस: 'रिटायरमेंट' या 'नवा पारी'?
राजनीति के गली-खोर में ये सवाल आग सही पसरत हे कि का नीतीश कुमार ला बिहार से 'सम्मानजनक विदाई' दे गे हे, या फेर ये ह मोदी-शाह के कोनो बड़े नेशनल प्लानिंग के हिस्सा आय?
- नितिन-नीतीश के 'पावर गेम': बीजेपी के नवा राष्ट्रीय अध्यक्ष नितिन नबीन के घलो राज्यसभा जाना अउ नीतीश के साथ होना, दिल्ली में एक नवा पावर सेंटर कोती इशारा करत हे। का ये ह मोदी-शाह के जगह नीतीश-नितिन के नवा 'एंटी-लॉबी' के शुरुआत आय, या फेर 'डबल इंजन' ला अउ ताकत दे के प्लान?
- बिहार में 'नवा चेहरा' कऊन? नीतीश के हटते ही बिहार में पहली बार बीजेपी के मुख्यमंत्री बने के रद्दा साफ हो गे हे। चर्चा हे कि का बीजेपी कोनो महिला मुख्यमंत्री के कार्ड खेल के सबला चकित कर दहि?
सुलगत सवाल जे सबला परेशान करत हें:
- का नीतीश कुमार ला प्रधानमंत्री या केंद्रीय गृह मंत्री जैसे बड़े पद के वादा मिले हे?
- का 'सुशासन बाबू' ह बिहार के भीतरी कचाकच (कलह) से बचे बर दिल्ली के सुरक्षित रद्दा चुन लीस हे?
- आखिर काबर मोदी-शाह ह नीतीश ला एतका आसानी से दिल्ली आय के हरी झंडी दे दीस?
सार गोठ: ये ह सिरिफ एक इस्तीफा नो हे, बल्कि 2029 के तैयारी के 'ट्रेलर' हो सकत हे। नीतीश कुमार ह हमेशा साबित करे हे कि जब दुनिया सोचथे कि ओखर खेल खत्म हो गे, तब ओ ह एक नवा अवतार लेके आगू आथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।