दुर्ग/रायपुर: छत्तीसगढ़ के शांत भुइँया में अब अफीम के अवैध खेती के अइसन खेल खुले हे, जेखर से सरकार अउ परसासन के नींद उड़ गे हे। दुर्ग जिला के समोदा गांव में, शिवनाथ नदिया के तीर म एक हाई-प्रोफाइल फार्म हाउस में मक्का के आड़ में अफीम उगाय जात रहीस। सबले बड़े बात ये हे कि ए पूरा कारोबार के मास्टरमाइंड कोई अउ नई, बल्कि सत्ताधारी दल भाजपा के एक रसूखदार नेता निकलिस।
मक्का के आड में 'जहर' के खेती
पुलिस अउ नारकोटिक्स विभाग के छापा में करीब 5.62 एकड़ जमीन में अफीम के लहलहावत फसल मिले हे। आरोपी ह एतका चतुर रहीस कि खेत के चारों कोती मक्का अउ जवार के ऊंच-ऊंच फसल लगा दरीस, ताकि बीच में होवत अफीम के खेती कोनो ला झन दिखय। जब्त करे गे अफीम के कीमत अंतरराष्ट्रीय बाजार में करीब 8 करोड़ रुपया बताय जात हे।
बड़े नेता अउ 'नशा' के नेटवर्क
ए मामला के मुख्य आरोपी विनायक ताम्रकार आय, जो भाजपा किसान मोर्चा के प्रदेश संयोजक (राइस मिल प्रसंस्करण प्रकल्प) के पद में रहीस। जांच में पता चलिस हे कि ताम्रकार ह ए खेती बर राजस्थान के जयपुर से अफीम के 'विशेषज्ञ' मन ला बुलाय रहीस।
- कड़ा पहरा: फार्म हाउस में बाउंसर मन तैनात रहय, ताकि कोनो अनजान मनखे भीतर झन जा सकय।
- राजनीतिक सांठगांठ: पूर्व मुख्यमंत्री भूपेश बघेल ह आरोप लगाय हे कि आरोपी के संबंध बड़े-बड़े मंत्री अउ अधिकारी मन से हे, तेखरे से ये अवैध धंधा बेखौफ चलत रहीस।
भाजपा के कार्रवाई अउ कांग्रेस के हमला
मामला गरम होवत देख भाजपा प्रदेश अध्यक्ष किरण सिंह देव ह विनायक ताम्रकार ला पार्टी से निकाल (निलंबित) दीस हे। फेर, विपक्ष ह एला 'सुशासन' ऊपर करिया धब्बा बतावत हे। कांग्रेस के कहना हे कि "सरकार नशा में हे अउ ओखर नेता मन नशा के खेती करत हें।"
जांच के घेरा में 'बड़े नाम'
पुलिस अब आरोपी के कॉल डिटेल अउ बैंक खाता मन ला खंगालत हे। ये पता लगाय जात हे कि छत्तीसगढ़ में उगाय ए अफीम के सप्लाई कहां-कहां होत रहीस अउ ए बड़े सिंडिकेट में अउ कऊन-कऊन 'सफेदपोश' मन सामिल हें।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।