रोमियो राजा फिलिम के प्रदर्शन के लेके आधिकारिक रूप ले तारीख के घोसना नइ करे गे हावय। अइसे उम्मीद हावय के जून के अंत तक रिलीज हो जाही। प्रोमों ल यूट्यूब म शुरूआत म ही अपलोड कर दीस। कुछ गाना ल मई म रिलीज करत हावय।
देवेन्द्र जांगड़े के छॉलीवुड म अलग ही पहचान हावय उंकर फिल्म ल प्रचार-प्रसार के जादा जरूरत नइ पड़य, देखइया उंकर नाम ले ही जुड़ते हावयं। रोमियो राजा फिलिम के टाईटल सांग अउ बेनी के गजरा गीत के खूब पसंद करे जात हावय। रोमियो राजा फिलिम के शुरूआत के पोस्टर म देवेन्द्रे जांगड़े के संग शिखा चितांबरे के पीक रिहिस, हो सकत हावय वो फिलिम के हिस्सा नइ फेर अब नायिका के तौर म भोपाल के मॉडल अउ अभिनेत्री प्रियंका परमार हावय। प्रियंका परमार अउ शिखा चितांबरे के बॉडी लैंग्वेज अउ फेस कट म काफी समानता हावय। बहरबाल फिलिम के प्रदर्शन तक प्रियंका परमार के अदाकारी म कुछ नइ केहे जा सकता, वइसने वें ज्यादातर राजस्थानी वीडियो एल्बम करत हावयं। देवेन्द्र जांगड़े अउ प्रियंका परमार के अलावा ए फिलिम म अर्चना टंडन, अनिल शर्मा, क्रांति दीक्षित, सलीम अंसारी, संतोष निषाद, जयंती मनहर, किशोर मंडल उक के अदाकारी तको देखे ल मिलही।
- फिल्म - रोमियो राजा
- प्रोडक्शन - आरजे एंटरटेनमेंट वर्ल्ड
- निर्माता - अनिल पी चौहान {युगांडा एनआरआई}
- निर्देशक - देवेंद्र जांगड़े
- कलाकार - देवेंद्र जांगड़े, प्रियंका परमार, अर्चना टंडन, अनिल शर्मा, क्रांति दीक्षित, सलीम अंसारी, संतोष निषाद, जयंती मनहर, किशोर मंडल
- पटकथा/लेखक/गीतकार - देवेंद्र जांगड़े
- संगीत - सूरज महानन्दी
- डीओपी - लक्ष्मण यादव
- एक्शन - तांबी अन्ना
- संपादक - सुजीत सिंह
- गायक - अनुराग शर्मा, चंपा निषाद, लक्ष्मी कंवर, दीपशिखा, निशा शर्मा
- भाषा - छत्तीसगढ़ी
- रिलीज - 2022
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।