अभी पाटन के कुर्मी भवन मा नवा छत्तीसगढ़ी फिल्म 'राजा सुपर स्टार' के शूटिंग जोरों-सोरों ले चलत हे। ए फिल्म ला लेके कलाकार मन अऊ दर्शक मन मा भारी उत्साह देखे ला मिलत हे। पाटन के सुग्घर माहौल मा फिल्म के कतको खास दृश्य मन ला फिल्माय जावत हे, जेखर से कहानी मा छत्तीसगढ़ के माटी के महक अऊ संस्कृति के दर्शन होही।
छत्तीसगढ़ी सिनेमा के मंझे हुए अऊ सफल चरित्र कलाकार घनश्याम वर्मा जी ए फिल्म मा एक महत्वपूर्ण भूमिका निभावत हें। घनश्याम भैया अपन कला अऊ रंगमंच के अनुभव बर जाने जाथें। राजा सुपर स्टार मा ओमन अपन अभिनय के अइसन जादू बिखेरहीं जेकर ले दर्शक मन ला एक बार फेर ओकर मंझे हुए कलाकार के रूप देखे ला मिलही।
ए फिल्म के सबले बड़े आकर्षण हे घनश्याम वर्मा अऊ उपासना वैष्णव जी के जोड़ी। उपासना दीदी ला छालीवुड मा 'मां' के ममतामयी रूप बर जम्मों मनखे जानथें। एक बार फेर ये दूनों दिग्गज कलाकार मन ला संग मा देखना दर्शक मन बर कोनो भेंट ले कम नई हे। ए जोड़ी ह पहिली घलो कतको फिल्म मन मा अपन अभिनय ले मन ला मोह डारे हें।
'राजा सुपर स्टार' फिल्म के शूटिंग मा अभी जम्मों टीम जुटे हुए हें। पाटन कुर्मी भवन के ए सेट मा दिन-रात मेहनत करके छत्तीसगढ़ी सिनेमा ला एक नवा ऊँचाई मा ले जाय के कोसिस करे जावत हे। उम्मीद हे कि जब ये फिल्म बड़े पर्दा मा आही, तब घनश्याम वर्मा अऊ उपासना वैष्णव के जुगलबंदी अऊ फिल्म के कहानी जम्मों छत्तीसगढ़िया मन के दिल ला जीत लेही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।