नई दिल्ली के कर्तव्य पथ मं 77वां गणतंत्र दिवस 2026 परेड बर जोर-शोर ले तैयारी चलत हे। अइसन लागत हे मानो पूरा भारत के कला अउ संस्कृति ह दिल्ली के सड़क म उतर आय हे। ए साल के परेड ह बहुत खास होय वाला हे, जेकर बर रिहर्सल म कलाकार मन ह दिन-रात एक कर देवत हें। कड़कड़ाती ठंड म घलो कलाकार मन के उत्साह म कोनो कमी नई दिखत हे।
ए साल के सबसे बड़े आकर्षण संगीत नाटक अकादमी अउ उत्तर क्षेत्र सांस्कृतिक केंद्र (NZCC) डहर ले तइयार करे जावत भव्य नृत्य प्रदर्शन आय। ए परफॉरमेंस म देशभर के 2,500 कलाकार एक साथ कदम ले कदम मिलाके नाचहीं। रिहर्सल के बेरा ए कलाकार मन के ऊर्जा अउ तालमेल देखते बनत हे, जउन गणतंत्र दिवस के दिन पूरा दुनिया ल चकित कर देही।
ए भव्य नृत्य प्रदर्शन के मुख्य विषय (Theme) 'वंदे मातरम्' के 150 साल पूरा होय के उपलक्ष्य म रखे गे हे। हमर राष्ट्रीय गीत 'वंदे मातरम्' ह आजादी के लड़ाई ले लेके आज तक हर हिंदुस्तानी के दिल म जोश भरथे। इही गौरवशाली इतिहास ल कलाकार मन अपन कला के माध्यम ले परदा मं उकेरिहीं अउ राष्ट्रभक्ति के एक नवा रंग बिखेरहीं।
कर्तव्य पथ ले आ रही फोटो अउ वीडियो मन म कलाकार मन के रंग-बिरंगी पोशाक अउ ओकर मन के मुस्कान ह बतावत हे कि ए साल के परेड ह ऐतिहासिक होही। ए रिहर्सल ह सिरिफ एक अभ्यास नई आय, बल्कि भारत के 'विविधता मं एकता' के एक सुंदर झलक आय। छत्तीसगढ़ समेत पूरा देश ए गौरवशाली पल ल देखे बर बेसब्री ले अगोरा करत हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।