प्रवासी भारतीय दिवस: संवाद, सम्मान अऊ पुस्तक विमोचन

राजधानी रायपुर के शंकर नगर स्थित विधानसभा अध्यक्ष निवास मा आज ९ जनवरी के 'प्रवासी भारतीय दिवस' के मउका मा एक बड़े कार्यक्रम के आयोजन करे जावत हे। 'प्रवासी छत्तीसगढ़िया बंधुत्व मंच' कोति ले आयोजित ए कार्यक्रम मा प्रदेश के दिग्गज नेता अउ साहित्यकार मन एक संग जुरियाही।

​मुख्य अतिथि अउ अध्यक्षता

​ए गरिमामय समारोह के मुख्य अतिथि विधानसभा अध्यक्ष डॉ. रमन सिंह होहीं। कार्यक्रम के अध्यक्षता नेता प्रतिपक्ष डॉ. चरण दास महंत करही। ए अवसर मा छत्तीसगढ़ हिंदी साहित्य अकादमी के अध्यक्ष श्री शशांक शर्मा घलो विशेष अतिथि के रूप मा मौजूद रही।

​संवाद अउ सम्मान के मंच

​मंच के अध्यक्ष अशोक तिवारी अउ सचिव राकेश तिवारी ह बताइन कि ए कार्यक्रम के मुख्य उद्देश्य परदेस मा रहइया छत्तीसगढ़िया मन संग संवाद करना अउ ओ मन के योगदान ला सम्मान देना आय। ए मउका मा पुस्तक के विमोचन घलो करे जाही, जेखर ले छत्तीसगढ़ी साहित्य अउ संस्कृति ला अउ बढ़ावा मिलही।

​कार्यक्रम 

​कार्यक्रम सांझ कुन ६.०० बजे ले शुरू होवइया हे। ए आयोजन मा शहर के गणमान्य नागरिक, साहित्यकार अउ बुद्धिजीवी मन ला सादर आमंत्रित करे गे हावय। प्रवासी मन संग चर्चा अउ सम्मान के ए सुग्घर मेलजोल रायपुर बर एक खास अवसर होही।