छत्तीसगढ़ लोक सेवा आयोग (CGPSC) कोति ले सूबेदार, उप निरीक्षक संवर्ग अउ प्लाटून कमांडर (गृह पुलिस विभाग) भरती परीछा 2024 के अभ्यर्थी मन के दस्तावेज सत्यापन (Document Verification) अउ शारीरिक माप परीक्षण (Physical Measurement) के तारीख मन के घोषणा कर दे गे हे। आयोग के सूचना के मुताबिक, ए प्रक्रिया 06 जनवरी ले 06 फरवरी 2026 तक चलही।
दस्तावेज के जांच अउ शरीर के नाप-जोख के परीछा सरगुजा, बिलासपुर, दुर्ग, बस्तर, रायपुर अउ राजनांदगांव जिला के तय करे गे केंद्र मन मा होही।
खास जानकारी:
रिपोर्टिंग के समय: अभ्यर्थी मन ला बिहनिया 07:00 बजे पहुंचना होही।
परीछा के समय: शारीरिक माप परीक्षण बिहनिया 08:00 बजे ले सुरु हो जाही।
प्रवेश पत्र (Admit Card): परीछा बर प्रवेश पत्र 26 दिसंबर 2025 के जारी कर दे गे हे।
कइसे डाउनलोड करबो: अभ्यर्थी मन अपन प्रवेश पत्र आयोग के वेबसाइट www.psc.cg.gov.in ले डाउनलोड कर सकत हें।
आयोग ह साफ कहि दे हे कि कोनो भी अभ्यर्थी ला अलग ले डाक या बयक्तिगत रूप ले प्रवेश पत्र नइ भेजे जाय। सबो अभ्यर्थी मन ला वेबसाइट ले ही अपन परवेस पत्र निकाले बर परही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।