मुख्यमंत्री निवास कार्यालय रायपुर में 8 जनवरी, बिरसपत के दिन जनदर्शन कार्यक्रम के आयोजन करे जाही। ए मउका में मुख्यमंत्री विष्णु देव साय प्रदेश के मनखे मन ले सीधा गोठ-बात करही अउ ओमन के समस्या मन के निराकरण करही।
मुख्यमंत्री साय ह अधिकारी मन ला कड़ा निरदेस दे हें कि जनदर्शन में मिले हर एक अरजी (आवेदन) के तुरंते अउ संवेदनशीलता के साथ निपटारा करे जाय, ताकि जनता ला सही समय में समाधान मिल सके।
खास बात मन:
कबे होही: 8 जनवरी, बिरसपत के दिन।
कहां होही: मुख्यमंत्री निवास कार्यालय, रायपुर।
का होही: मुख्यमंत्री ह जनता ले सीधा मिलही अउ ओकर दुख-पीडा ला सुनही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।