रायपुर: छत्तीसगढ़ी फिल्म जगत ले एक बड़का खबर निकल के आवत हे। आप सबो झन के चहेता फिल्म 'मया देदे मयारू 2' के पूरी टीम अपन प्रशंसक मन ले मिले बर अउ फिल्म के सुघ्घर गाना मन ला सुनाय बर रायपुर पहुंचत हे।
आगामी बुधवार, 14 जनवरी 2026 के रायपुर के डी.डी. नगर 'शहनाई मॉडर्न' (गोल चौक) मा एक बड़का ओपन मीट-अप अउ ऑडियो विमोचन कार्यक्रम रखे गे हे।
पहुंचही नामी कलाकार;
ए कार्यक्रम मा छत्तीसगढ़ी फिल्म मन के सुपरस्टार मन कुरैशी अउ सुघ्घर अदाकारा इशिका यादव संग मा लक्षित झांझी अउ दीक्षा जायसवाल घलो मौजूद रही। संगी हो, आप मन ला अपन पसंदीदा कलाकार मन ला करीब ले देखे अउ फिल्म के गाना मन के विमोचन के गवाह बने के सुनहरा मौका मिलही।
कार्यक्रम के जानकारी:
तारीख: बुधवार, 14 जनवरी 2026
समय: मंझनिया 12:00 बजे ले संझा 5:00 बजे तक
जगह: शहनाई मॉडर्न, गोल चौक, डी.डी. नगर, रायपुर (छत्तीसगढ़)
खास बात: फिल्म के हीरो-हीरोइन, निर्माता-निर्देशक अउ पूरी टीम संग गोठ-बात करे के मौका।
फिल्म प्रमोटर राजकुमार चौधरी ह बताईस कि ये कार्यक्रम मयारू दर्शक मन बर रखे गे हे, ताकि कलाकार अउ जनता के बीच के मया अउ बढ़ सके। फिल्म के पूरी टीम ये कार्यक्रम ला लेके भारी उत्साहित हे।
त फेर देर झन करव, जतका भी छत्तीसगढ़ी फिल्म के प्रेमी मन हव, कल मंझनिया 12 बजे डी.डी. नगर जरूर पहुंचव!
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।