धान खरीदी के टोकन अब दिन-रात कभू भी 'तूहर टोकन'

प्रदेश के किसान मन के सुविधा ल धियान म राखत 'तूहर टोकन' ऐप ल अब 24×7 खोल दे गे हे। अब मोबाइल एप ले टोकन कटाए बर कोनो निधारित समय के बंदिश नइ राहय। किसान मन दिन-रात कभू भी अपन सुविधा के मुताबिक टोकन बुक कर सकहीं।

अब किसान मन 13 जनवरी तक आगू के 20 दिन बर टोकन ले सकत हें। एखर से किसान मन ल धान बेचे के योजना बनाए म अऊ टोकन पाए म पुरा समय मिलही अऊ भीड़ अऊ टेक्निकल दबाव के समस्या ले छुटकारा मिल जाही।

एकर संगें-संग, राज सरकार डहर ले 2 एकड़ अऊ 2 एकड़ ले कम रकबा वाले किसान मन अब 31 जनवरी तक 'तूहर टोकन' ऐप ले टोकन ले सकहीं। मुख्यमंत्री विष्णु देव साय के निर्देंश म छोटे किसान मन बर ए सुविधा दे गे हे।

बताए जावथे कि टोकन ह हर सहकारी समिति ल आबंटित सीमा के भीतरे ही जारी करे जाही। किसान मन ले बिनती हे कि ओ मन समय रहत 'तूहर टोकन' ऐप के माध्यम ले टोकन पा लेवें अऊ कोनो भी असुविधा ले बाँच सकंय।

किसान मन के सुविधा अऊ पारदर्शी बेवस्था हमर सरकार के सबले पहिली प्राथमिकता हे। 'तूहर टोकन' ऐप ल 24×7 खोले अऊ समय के बंदिश ल खतम करे के फैसला एही सोच के परिणाम हे। अब किसान मन बिना कोनो दबाव के, अपन सुविधा के अनुसार टोकन बुक कर सकहीं। 2 एकड़ अऊ 2 एकड़ ले कम रकबा वाले किसान मन बर टोकन के जादा समय-सीमा अऊ अवधि के बिस्तार किसान मन ल असली राहत दिही। राज सरकार किसान मन के हित म हर संभव कदम उठाए बर लगातार प्रतिबद्ध हे।