ए कार्यक्रम म छत्तीसगढ़ के फिल्म जगत ले जुड़े निर्माता, निर्देशक, अभिनेता, अभिनेत्री, तकनीशियन, लेखक, संगीतकार अउ अन्य सृजनशील कलाकार मन के बड़ी संख्या म उपस्थिति दर्ज होए के संभावना हे। निगम द्वारा सबो फिल्मकर्मियन मन ले अपील करे गे हे के वे कार्यक्रम म जरूर शामिल होके अपन सहभागिता दर्ज करंय।
कार्यक्रम के मुख्य अतिथि छत्तीसगढ़ के मुख्यमंत्री माननीय श्री विष्णु देव साय जी रहिहीं। मुख्यमंत्री जी के संग राज्य शासन के अन्य मंत्रीगण अउ वरिष्ठ अधिकारी मन घलो कार्यक्रम म मौजूद रहिहीं। ए अवसर म फिल्म जगत के प्रतिनिधि मन मुख्यमंत्री के समक्ष छत्तीसगढ़ी सिनेमा से जुड़े मुद्दा, जरूरत अउ भविष्य के योजना ऊपर अपन बात रखिहीं।
छत्तीसगढ़ फिल्म विकास निगम के अध्यक्ष श्रीमती मोना सेन के नेतृत्व म आयोजित ए कार्यक्रम के उद्देश्य छत्तीसगढ़ म फिल्म निर्माण के माहौल ला मजबूत करना, स्थानीय कलाकार मन ला मंच देना अउ फिल्म उद्योग बर अनुकूल नीति अउ सुविधा के मांग रखे के आय। निगम के माने मुताबिक ए कार्यक्रम छत्तीसगढ़ी सिनेमा ला नई दिशा देय म मील के पत्थर साबित हो सकथे।
कार्यक्रम म छत्तीसगढ़ फिल्म विकास निगम के गठन अउ संचालन बर शासन के सहयोग के प्रति आभार व्यक्त करे जाही, संग ही भविष्य म फिल्म शूटिंग, प्रशिक्षण, रोजगार अउ सांस्कृतिक पहचान बढ़ाय बर ठोस पहल ऊपर चर्चा करे जाही।
फिल्म प्रेमी मन म ए कार्यक्रम ले बड़े उत्साह देखे जा रहिस। जानकार मन के कहना हे के अइसने सामूहिक संवाद अउ सरकारी सहभागिता ले छत्तीसगढ़ी सिनेमा ला राष्ट्रीय स्तर म मजबूत पहचान मिल सकथे।
छत्तीसगढ़ फिल्म विकास निगम द्वारा सबो संबंधित कलाकार, तकनीशियन अउ फिल्म उद्योग से जुड़े लोगन ले समय पर पहुंच के कार्यक्रम ला सफल बनाय के अपील करे गे हे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।