‘एम.ए. प्रीवियस’ के प्रमोशन म दीपक साहू, आराधना साहू, राज वर्मा, हिरनमयी दास अउ प्रणव झा बताइन फिलिम के खास बात

अरन्य सिनेमा के बैनर तरि बने छत्तीसगढ़ी फिलिम एम.ए. प्रीवियस प्रमोशन जोर-सोर ले चलत हाबे। प्रदेशभर के सिनेमाघर म ये फिलिम 7 नंबर ले रिलीज होवइया हाबे। फिलिम के निर्देशन, कहानी, पटकथा अउ संवाद प्रणव झा के हावय, निर्माता हे राज वर्मा। फिलिम म अहम किरदार म नजर आही दीपक साहू, आराधना साहू, राज वर्मा अउ हिरनमयी दास।

जइसे के प्रणव झा अपन हरेक फिलिम म कोनो नवा चेहरा अउ मौलिक कहानी के सेती चर्चा म रिथे, ये पइत सोशल मीडिया म काफी सक्रिय, आराधना साहू ल बतौर नायिका बड़े पर्दा म लेके आवत हावय, संग म ओडिसी कलाकार हिरनमयी दास तको हावय। सबले खास बात राज वर्मा अब फिल्म निर्माता के साथ बतौर एक्टर येमा अहम किरदार म दिखही। 

अन्य चरित्र कलाकार म राजेश बघमारे, अंजली चौहान, लक्ष्मी झा, संजू साहू, धर्मेन्द्र चौबे, संगीता निषाद, राजू कोल्हाटकर, शमशीर सिवानी, मोहित जोशी, ओमप्रकाश शर्मा, मनीष झा, ओंकार साहू, सोनू यादव, चन्द्रप्रकाश चौधरी, शैलेन्द्र, अयूब झा अउ हितेश वासुदेव आदि के शानदार अदाकारी देखे बर मिलही।

फिलिम के प्रमोशन के मउका म प्रोडक्शन टीम कोति ले सोशल मीडिया क्रियेटर मन खातिर ओपन मीटअप के आयोजन रायपुर के एक बड़े होटल म करे गे रिहिस। जिहां दीपक साहू, आराधना साहू, राज वर्मा, हिरनमयी दास अउ प्रणव झा ह फिलिम के बारे म बहुत अहम जानकारी साझा करिस। 

ये मउका म अंजोर के संपादक जयंत साहू के सवाल कि- प्रणव झा के हरेक फिलिम म नवा चेहरा लांच करे के पाछू कोनो खास वजह, के जवाब म प्रणव झा किहिन के नवा चेहरा लेके कोनो खास वजह नइ रहे बस मोर कहानी के हिसाब ले जेन फिट हो जथे वोला ले लेथवं। स्टोरी के हिसाब के केरेक्टर के हमेशा तलाश रिथे। बहरहाल प्रणव झा के सबो फिलिम ल देखे जाए तो ओमन के कहानी के हिसाब ले कलाकार मनके चयन बहुत ही बेहतर होथे। ओमन एक-एक चीज म बारिकी ले काम करथे, इही सेती उंकर हर फिलिम सफल होथे। हमर अंजोर छत्तीसगढ़ी समाचार वेबपोर्टल कोति ले प्रणव झा, राज वर्मा अउ उंकर पूरा टीम फिलिम के सफलता के अग्रिम शुभकामना।

डी.ओ.पी. राज ठाकुर के कैमरा ह सुंदर सिनेमेटोग्राफी ले हर फ्रेम ला जीवंत बना दे हावय, जबकि संगीतकार सुनील सोनी के धुन अउ गीतकार विष्णु कोठारी के बोल मन ला छू लेथे। फिल्म के गाना मन ला सुनील सोनी अउ अनुराग शर्मा गाए हें, जेमा छत्तीसगढ़ी सुघ्घरपन झलकथे।

कोरियोग्राफर चंदन दीप के नृत्य निर्देशन म तैयार गीत दृश्य ह दर्शक मन ला झुमे बर मजबूर कर देथे। पोस्ट-प्रोडक्शन नीरज वर्मा अउ श्रेष्ठ स्टूडियो म होय हे, जबकि एडिटिंग के जिम्मेदारी श्रेष्ठ वर्मा निभाए हें।

ट्रेलर ला दर्शक मन खूब पसंद करत हें- सोशल मीडिया म ‘एम.ए. प्रीवियस’ के ऑफिशियल ट्रेलर के गजब तारीफ होवथे। ट्रेलर ले ही पता चलत हे कि फिल्म के कथा, निर्देशन अउ अभिनय तगड़ा हे। तो फिल्म ‘एम.ए. प्रीवियस’ ला 7 नवम्बर 2025 के देखव, अपन नजदीकी सिनेमा घर म।

MA PREVIOUS CHHATTISGARHI FILM

• Film : M.A Previous – (एम ए प्रीवियस)
• Star Cast : Deepak Sahu, Raj Verma, Hiranmayee Das, Aaradhana Sahu, Rajesh Baghmare, Anjali Chauhan, Laxmi Jha, Sanju Sahu, Dharmendra Chaube, Sangita Nishad, Raju Kolhatkar, Samsir Siwani, Mohit Joshi, Omprakash Sharma, Manish Jha, Rajesh, Omkar Sahu, Sonu Yadu, Chandrapraksh Chaudhri, Shailendra, Ayub Jha, Hitesh Vasudev
• Production House : Aranya Cinema
• Producer : Raj Verma
• Director : Pranav Jha
• Story-Screenplay-Dialouge : Pranav Jha
• DOP : Raaj Thakur
• Focus : Aadi
• Associate Director : Tushar singh
• Assistant Director : Govinda Yadav, Prachi
• Assistant in story - Yuvraj Sahu
• Lyricist : Vishnu Kothari
• Music : Sunil Soni
• Singer : Sunil Soni, Anurag Sharma
• Choreographer : Chandan Deep
• Production Manager : Dhanraj Sahu
• Line Producer : Sonu Yadu
• Post Production : Neeraj Verma, Shreshth Studio
• Editor : Shreshth Verma 
• Dress Man : Jeewan Nishad
• Makeup : Kanta Nayak
• Art – Chandu Verma
• Distributed By – RLR Cinema
• Youtuber : Soumya Ranjan Rana
• Language: Chhattisgarhi 
• Release date : 7 November 2025