छत्तीसगढ़ स्थापना दिवस म जिला म होही तीन दिवसीय बड़का कार्यक्रम

राज्य शासन ह फइसला ले हावय के पाछु साल के भांति ए साल तको छत्तीसगढ़ स्थापना दिवस के मउका म सबो जिला मुख्यालय मन म तीन दिवसीय कार्यक्रम के आयोजन करे जाही। कार्यक्रम के मुख्य थीम 25 साल के विकास यात्रा' रइही, जेमा राज्य के उपलब्धि अउ प्रगति ल प्रदर्शित करे जाही। शासन डहर ले जारी आदेश के मुताबिक 02 ले 04 नवंबर 2025 तक आने-आने विभाग के विकास अउ उपलब्धि ले सम्बन्धी प्रदर्शनी, सांस्कृतिक कार्यक्रम अउ हितग्राही फायदा बाटे के कार्यक्रम आयोजित करे जाही।

कार्यक्रम जगह म राज्य शासन के जरूरी योजना, उपलब्धि अउ सफल परियोजना ल बिसेस रूप ले प्रदर्शित करे जाही, ताकि नागरिक 25 साल के राज्य बनाये यात्रा ले आरो ले सकें। जिला स्तर म स्थानीय कलाकार मन के माध्यम ले सांस्कृतिक कार्यक्रम के आयोजन होही, जेमे छत्तीसगढ़ी लोकसंस्कृति के झलक देखे ल मिलही। शासन ह निर्देश दे हावय के सांस्कृतिक प्रस्तुति शालीन हों अउ कोनो तको रकम ले के अभद्र प्रदर्शन नी करे जाए। जिला स्तर म आयोजित कार्यक्रम म मंत्रीगण, सांसद, विधायक अउ आन जनप्रतिनिधी मन ल पहुना के रूप म नेवते जाही।

स्थापना दिन के उपलक्ष्य म 01 ले 05 नवंबर तक सबो जिला मुख्यालय मन के सरकारी भवन म रोशनी करे जाही। ‘25 साल के विकास यात्रा‘ थीम ल धियान म रखत आकर्षक प्रकाश सज्जा करे जाही। संग ही निजी संस्थान ल तको रोशनी के खातिर प्रोत्साहित करे जाही।

राज्य शासन के कल्याणकारी योजना मन के तहत पात्र हितग्राही मन ल कार्यक्रम जगह म हितग्राही मूलक सामान के बाटे जाही। शासन ह निर्देश दे हावयं के कार्यक्रम के आयोजन म मितव्ययिता बरते जाए।

छत्‍तीसगढ़ी समाचार, अनुवादक- जयंत साहू