छत्तीसगढ़ सरकार के श्रम विभाग डहर ले पंजीकृत निर्माण अऊ अन्य सन्निर्माण कर्मी मन बर चलाय जावत अनेक जनकल्याणकारी योजना मन के लाभ अब सरलग जिला के श्रमिक मन तक पहुंचत हावे। पंजीकृत मज़दूर मन ल शिक्षा, स्वास्थ्य, औजार सहायता, मातृत्व लाभ, मृत्यु सहायता अऊ आवास जइसन केउ योजना के सुविधा मिलत हावे। ये योजना मन हजारों निर्माण मज़दूर मन के जिनगी मं नवा उजाला भर दे हावे। शासन के मंशा अनुरूप हर पंजीकृत श्रमिक परिवार ल सामाजिक सुरक्षा अऊ आर्थिक सशक्तिकरण के अवसर देवाय के उदेश्य ले श्रम विभाग निरंतर शिविर, पंजीयन अऊ जागरूकता कार्यक्रम चलावत हावे, ताकि योजना के लाभ अधिक से अधिक पात्र मन तक पहुंचे।
जिला के श्रमिक मन ल 4 करोड़ 68 लाख ले अधिक राशि के वितरण
कलेक्टर महासमुंद के मार्गदर्शन मं श्रम कल्याण मंडल महासमुंद द्वारा डीबीटी (Direct Benefit Transfer) के माध्यम ले श्रमिक मन के खाता मं सीधा सहायता राशि भेजे गे हावे, ताकि पारदर्शिता बने रहय अऊ समय मं लाभ मिलय। श्रम पदाधिकारी बताय हावय के 17 सितम्बर अऊ 3 अक्टूबर 2025 के बीच डीबीटी के माध्यम ले 14,788 श्रमिक मन के खाता मं कुल 4 करोड़ 68 लाख 690 रूपया के राशि छत्तीसगढ़ भवन अऊ अन्य सन्निर्माण कर्मकार कल्याण मंडल द्वारा अंतरित करे गे हावे।
सुरक्षा उपकरण सहायता योजना मं 3 हजार 443 श्रमिक मन ल मिलिस लाभ
महासमुंद जिला मं श्रम विभाग के अंतर्गत मुख्यमंत्री निर्माण मज़दूर सुरक्षा उपकरण सहायता योजना मं 3 हजार 443 श्रमिक मन ल 51 लाख 64 हजार 500 रूपया के सहायता दे गे हावे। एही तरह निर्माण श्रमिक मन के बच्चा मन बर निःशुल्क गणवेश अऊ किताब-कॉपी बर सहायता राशि योजना अंतर्गत 3005 श्रमिक मन ल 40 लाख 72 हजार रूपया के लाभ पहुंचाय गे हावे।
महतारी जतन योजना अंतर्गत महासमुंद के 79 श्रमिक मन ल मिलिस सहायता
मुख्यमंत्री सायकल सहायता योजना अंतर्गत 2 हजार 724 श्रमिक मन ल एक करोड़ 89 हजार 6 रूपया, मुख्यमंत्री श्रमिक औजार सहायता योजना अंतर्गत 2 हजार 629 श्रमिक मन ल 91 लाख 41 हजार 584 रूपया, मुख्यमंत्री नौनिहाल छात्रवृत्ति योजना अंतर्गत 2 हजार 323 श्रमिक मन ल 44 लाख 10 हजार 500 रूपया, मुख्यमंत्री नोनी सशक्तिकरण सहायता योजना अंतर्गत 287 श्रमिक मन ल 57 लाख 40 हजार रूपया, मुख्यमंत्री श्रमिक सियान सहायता योजना अंतर्गत 150 श्रमिक मन ल 30 लाख रूपया, मुख्यमंत्री नोनी-बाबू मेधावी शिक्षा सहायता योजना अंतर्गत 108 श्रमिक मन ल 5 लाख 82 हजार रूपया अऊ मिनीमाता महतारी जतन योजना अंतर्गत 79 श्रमिक मन ल 15 लाख 80 हजार रूपया के सहायता राशि दे गे हावे।
निर्माण श्रमिक मृत्यु अऊ दिव्यांग सहायता योजना
महासमुंद जिला मं मुख्यमंत्री निर्माण श्रमिक मृत्यु अऊ दिव्यांग सहायता योजना अंतर्गत 27 श्रमिक मन ल 27 लाख रूपया, मुख्यमंत्री सिलाई मशीन सहायता योजना अंतर्गत 9 श्रमिक मन ल 71 हजार 100 रूपया, निर्माण श्रमिक मन के बच्छा बर उत्कृष्ट खेल प्रोत्साहन योजना अंतर्गत 3 श्रमिक मन ल एक लाख 50 हजार रूपया, अऊ दीदी ई-रिक्शा सहायता योजना अंतर्गत एक श्रमिक ल एक लाख रूपया के सहायता राशि प्रदान करे गे हावे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।