बस्तर ओलंपिक के व्यापक अऊ सुव्यवस्थित आयोजन खातिर विकासखंड स्तरीय आयोजन मन ऊपर दें विशेष ध्यान: अरुण साव

बस्तर ओलंपिक-2025 के तैयारी अब अंतिम चरण मं हवय। उप मुख्यमंत्री अऊ खेल अऊ युवा कल्याण मंत्री  अरुण साव आज वरिष्ठ विभागीय अधिकारी मन अऊ बस्तर संभाग के सब जिला खेल अधिकारी मन के बैठक बुलाके तैयारी के समीक्षा करिन। नवा रायपुर के विश्राम भवन मं आयोजित बैठक मं श्री साव बस्तर ओलंपिक के व्यापक अऊ सुव्यवस्थित आयोजन खातिर विकासखंड स्तरीय आयोजन मन ऊपर विशेष ध्यान देय के निर्देश दीस। ओमन खेल मैदान के उपलब्धता, ओकर मैपिंग, भोजन, यातायात, आवास, प्राथमिक चिकित्सा, निर्णायक अऊ रेफरी के व्यवस्था खातिर अग्रिम तैयारी सुनिश्चित करे ल कहिन। खेल अऊ युवा कल्याण विभाग के सचिव यशवंत कुमार अऊ संचालक श्रीमती तनूजा सलाम घलो समीक्षा बैठक मं उपस्थित रहिन। बस्तर संभाग के सब जिला खेल अधिकारी वीडियो कॉन्फ्रेंस के माध्यम ले बैठक मं शामिल होए।

उप मुख्यमंत्री श्री साव बैठक मं बस्तर ओलंपिक के पंजीयन प्रक्रिया अऊ व्यापक प्रचार-प्रसार के समीक्षा करिन। ओमन ग्राम स्तर ले जिला स्तर तक प्रचार-प्रसार योजना, जइसे दीवार लेखन, मशाल यात्रा, पोस्टर, बैनर, पैंपलेट वितरण, हाट-बाजार मं प्रचार आदि के जानकारी लीस। ओमन एला अउ प्रभावी बनाय के निर्देश दीस। खेल अऊ युवा कल्याण विभाग के अधिकारी मन बताइन कि बस्तर ओलंपिक खातिर अब तक 2 लाख 72 हजार ले अधिक प्रतिभागी पंजीकृत हो चुके हवय। 20 अक्टूबर तक पंजीयन कराए जा सकत हवय। इस पर श्री साव प्रत्येक विकासखंड मं पंजीयन के स्थिति के समीक्षा करिन अऊ जेन इलाका मं पंजीयन कम हवय, वहां विशेष अभियान चलाके जियादा से जियादा पंजीयन सुनिश्चित करे के निर्देश दीस। ओमन पुरुष प्रतिभागी कम होए ला देखत  जिला खेल अधिकारी मन ला पुरुष के भागीदारी बढ़ाए खातिर विशेष प्रयास करे ल कहिन।

श्री साव बैठक मं अधिकारी मन ला कहिन कि बस्तर ओलंपिक अब केवल क्षेत्रीय आयोजन नइ रहिस, बल्कि ओकर ख्याति पूरे देश मं फैल गे हवय। अतः एला राष्ट्रीय महत्व के आयोजन मानते हुए विकासखंड ले लेकर संभाग स्तर तक उच्च गुणवत्ता अऊ समयबद्धता के संग आयोजित करे जाए। ओमन राष्ट्रीय स्तर के निर्णायक मन के भागीदारी सुनिश्चित करे अऊ राष्ट्रीय-अंतरराष्ट्रीय खिलाड़ी मन ला प्रेरणा स्रोत के रूप मं आमंत्रित करे के निर्देश घलो दीस। ओमन 25 अक्टूबर ले सुरु होके 5 नवंबर तक होए वाला विकासखंड स्तरीय आयोजन खातिर सब जिलामन ला समय पूर्व संपूर्ण तैयारी सुनिश्चित करे के कहिन।

उप मुख्यमंत्री फुटबॉल, हॉकी, वॉलीबॉल जइसन खेल मं पंजीयन बढ़ाए खातिर विशेष प्रयास करे के कहिन अऊ खेल विभाग ले मिलय बजट के अलावा जिला कलेक्टर मन के सहयोग ले सीएसआर निधि ले वित्तीय जरूरत के पूर्ति करे के निर्देश दीस। खेल अऊ युवा कल्याण विभाग के उप संचालक श्रीमती रश्मि ठाकुर अऊ खेल अधिकारी श्री गिरीश शुक्ला घलो बैठक मं मौजूद रहिन।

अंजोर:छत्‍तीसगढ़ी समाचार

अनुवादक-जयंत साहू