राष्ट्रीय बालिका दिवस पर शासकीय माता कर्मा महाविद्यालय मं स्वास्थ्य जागरूकता कार्यक्रम आयोजित

रजत जयंती वर्ष के मउका म राष्ट्रीय बालिका दिवस के उपलक्ष्य म शासकीय माता कर्मा महाविद्यालय महासमुंद मं जिला स्वास्थ्य विभाग द्वारा एक दिन के स्वास्थ्य जन-जागरूकता कार्यक्रम आयोजित करे गिस। कार्यक्रम के उद्देश्य किशोरी अऊ युवा मं किशोर स्वास्थ्य, मानसिक स्वास्थ्य, तंबाकू नियंत्रण अऊ स्वास्थ्य शिक्षा के प्रति जागरूकता बढ़ाना रहिस। कार्यक्रम मुख्य चिकित्सा अऊ स्वास्थ्य अधिकारी डॉ. आई. नागेश्वर राव के आदेशानुसार अऊ नोडल अधिकारी डॉ. छत्रपाल चंद्राकर के मार्गदर्शन मं आयोजित करे गिस।

कार्यक्रम मं जिला स्वास्थ्य टीम ले छात्रा मन ला स्वास्थ्य संबंधी जानकारी दीस। ए अवसर मं हरिशंकर साहू, हेल्थ एजुकेटर अऊ जिला मीडिया प्रभारी, किशोर स्वास्थ्य, मोबाइल एडिक्शन अऊ स्वच्छता ऊपर विस्तार ले चर्चा करिन। ओमन छात्रा मन ला संतुलित आहार, नियमित व्यायाम अऊ स्वच्छ जीवनशैली अपनाए के सलाह दीस अऊ मोबाइल के सीमित उपयोग करे कहिन। मानसिक स्वास्थ्य काउंसलर रामगोपाल खूंटे युवा मं बढ़त मानसिक चुनौती अऊ तनाव के कारण बतावत मानसिक स्वास्थ्य ला जीवन के अभिन्न हिस्सा बताएन। तंबाकू नियंत्रण काउंसलर श्रीमति मेघा ताम्रकार नशा अऊ तंबाकू सेवन के दुष्प्रभाव ले अवगत करावत विद्यार्थी ला नशामुक्त जीवन जीये के प्रेरणा दीस। आर.एम.एन.सी.एच. काउंसलर श्रीमति कविता चंद्राकर किशोरी मन ला महिला स्वास्थ्य, पोषण अऊ एनीमिया नियंत्रण ले जुड़ी जरूरी जानकारी दीस।

कार्यक्रम के दौरान रंगोली अऊ पोस्टर प्रदर्शनी प्रतियोगिता घलो आयोजित करे गिस। एमा छात्रा मन बालिका सशक्तिकरण, मानसिक स्वास्थ्य, नशा मुक्ति अऊ स्वास्थ्य संदेश ला रचनात्मक चित्र के माध्यम ले प्रदर्शित करे। विजेता प्रतिभागी मन ला शील्ड अऊ प्रमाण पत्र देके सम्मानित करे गिस। कार्यक्रम मं सहायक प्राध्यापक डॉ. सरस्वती, सहायक प्राध्यापक डॉ. स्वेतलाना नागला अऊ अन्य स्टाफ सदस्य मन सक्रिय सहयोग प्रदान करे।

ए मउका मं सब प्रतिभागी मन सामूहिक रूप ले संकल्प लीस कि बालिका अऊ किशोर के स्वास्थ्य, शिक्षा अऊ सशक्तिकरण से जुड़े संदेश समाज के हर वर्ग तक पहुँचाए जाही।

अंजोर:छत्‍तीसगढ़ी समाचार

अनुवादक- जयंत साहू