मुख्यमंत्री ग्रामीण बस योजना ले 250 गांव तक पहुँचिस बस सुविधा, बस्तर अऊ सरगुजा संभाग मं सफल क्रियान्वयन

अंजोर
0
मुख्यमंत्री ग्रामीण बस योजना ले 250 गांव तक पहुँचिस बस सुविधा, बस्तर अऊ सरगुजा संभाग मं सफल क्रियान्वयन


राज्य शासन द्वारा ग्रामीण अंचल के लोगन ला सस्ती अऊ सुविधा संपन्न सार्वजनिक परिवहन उपलब्ध कराए खातिर ‘मुख्यमंत्री ग्रामीण बस योजना’ लागू करे गे हवय। योजना के पहिली चरण बस्तर अऊ सरगुजा संभाग के जिलामन मं शुरू करे गे हवय। अब तक 34 चयनित मार्ग मं ले 33 बस के संचालन चालू होगे हवय, जेन में कुल 250 नवा गाँव ला पहली बेर बस सुविधा मिलिस हवय।

परिवहन मंत्री केदार कश्यप कहिन कि ये योजना के उद्देश्य ए हवय कि अइसन गांवमन ला जनपद मुख्यालय, तहसील, नगरीय क्षेत्र अऊ जिला मुख्यालय ले जोड़े जावय, जहाँ पहिली बस सुविधा नइ रहिस। मुख्यमंत्री ग्रामीण बस योजना ले ग्रामीण इलाका मं लोगन ला बेहतर परिवहन सुविधा, रोजगार के अवसर अऊ आपसी संपर्क मं बढ़ोतरी मिलिस हवय, जेन ले गांव के विकास ला नई दिशा मिलत हवय।

परिवहन सचिव एस. प्रकाश बताइन कि राज्य शासन द्वारा बस संचालक मन ला प्रोत्साहन के रूप मं पहिली साल मं 26 रूपए, दूसर साल मं 24 रूपए अऊ तिसर साल मं 22 प्रति किलोमीटर के वित्तीय सहायता दी जाथे। संग मं बस संचालक मन ला मासिक कर ले 3 साल तक पूर्ण छूट घलो मिलही। ओमन बताइन कि बस मार्ग के चयन जिला स्तरीय समिति के अनुशंसा ऊपर राज्य स्तरीय समिति द्वारा करे जाथे। चयनित मार्ग मं निविदा प्रक्रिया के माध्यम ले सबले कम वित्तीय दर देय वाले आवेदक ला बस संचालन के अनुमति दे जाथे, बाद परमिट जारी होथे।

योजना के तहत सुकमा जिला मं 6, नारायणपुर मं 4, जगदलपुर मं 1, कोंडागांव मं 3, कांकेर मं 5, दंतेवाड़ा मं 1, मनेन्द्रगढ़-चिरमिरी-भरतपुर मं 2, सूरजपुर मं 2, कोरिया मं 3, जशपुर मं 4 अऊ बलरामपुर-रामानुजगंज जिला मं 2 बस के संचालन होवत हवय। संग मं 9 नवा मार्ग मं बस संचालन खातिर परमिट जारी करे के प्रक्रिया चलत हवय।

जानबा होवय कि 5 अक्टूबर ला केंद्रीय गृह मंत्री अमित शाह अऊ मुख्यमंत्री विष्णु देव साय जगदलपुर मं ये योजना के शुरुआत करत बस मन ला हरी झंडी देखाइन। पहिली चरण मं ये योजना आदिवासी बहुल बस्तर अऊ सरगुजा संभाग के गांवमन ला कवर करही अऊ 34 बस ले 34 मार्ग मं सेवा चालू होही, जेन ले 11 जिला के 250 गांवमन जुड़िहीं।

अंजोर: छत्‍तीसगढ़ी समाचार
अनुवादक- जयंत साहू

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !