मुख्यमंत्री विष्णु देव साय दुलदुला छठ घाट म सूर्य देवता ला अर्घ्य देके सुख-समृद्धि अउ खुशहाली के कामना करिन

मुख्यमंत्री साय प्रदेशवासी मन ला छठ पूजा के हार्दिक बधाई अउ शुभकामना देत कहिन- ए हमर बर बहुत बड़ सौभाग्य के बात आय के मोला ला छठ महापर्व म सहभागी होए के अवसर मिलिस।

वोमन कहिन के जनता के विश्वास अउ स्नेह ले मोला जनसेवा करे के अवसर मिलिस हे, अउ मैं जनता के अपेक्षा पूरा करे बर अउ क्षेत्र के विकास बर निरंतर कोसिस करत हंव।

मुख्यमंत्री साय दुलदुला के जनता के मांग म छठ घाट के सौंदर्यीकरण करे के घोषणा करिन। कहिन- "अवइय्या छठ पर्व तक दुलदुला छठ घाट के सौंदर्यीकरण के काम पूरा कर दे जाही। वो ये बात घलो बताइन के कुनकुरी छठ घाट के सौंदर्यीकरण लगभग 5 करोड़ 17 लाख के लागत म होवत हे, जिहां ए साल व्रती महिला मन पूरा श्रद्धा अउ भक्ति भाव ले पूजा-अर्चना करत हें।

ए मउका म जिला पंचायत उपाध्यक्ष शौर्य प्रताप सिंह जूदेव, जनपद पंचायत दुलदुला अध्यक्ष रामकुमार सिंह, आईजी दीपक कुमार झा, कलेक्टर रोहित व्यास, पुलिस अधीक्षक शशिमोहन सिंह सहित छठ व्रत करइया महिलाय मन, जनप्रतिनिधि अउ ग्रामीण जन भारी संख्या म उपस्थिति रहिन।