संघ लोक सेवा आयोग के सिविल सेवा परीक्षा म सफलता बर प्रोत्साहन योजना के अतर्गत प्रदेस के अनुसूचित जाति अउ अनुसूचित जनजाति के आवेदन करइया ल संघ लोक सेवा आयोग के प्रारंभिक परीक्षा साल 2025 म सफलता मिले म रकम एक लाख रूपिया प्रोत्साहन रकम दिये जाये के प्रावधान हावय।
सहायक आयुक्त, आदिवासी विकास विभाग डहर ले ये सबंध म पात्र आवेदन करइया ले 23 सितम्बर तक आवेदन पाती मंगाये गे हावय। सहायक आयुक्त ह बताइन के पात्रता के शर्त अउ आवेदन पाती के प्रारूप विभाग के वेबसाईट www.tribal.cg.gov.in ले डाउनलोड करे जा सकत हाबे।
इच्छुक अउ पात्र आवेदन करइया एकर बर करार प्रपत्र म आवेदन पाती आयुक्त, आदिम जाति अउ अनुसूचित जाति विकास, अटल नगर, नवा-रायपुर छ.ग म आखरी तिथि तक जमा करके पावती ले सकत हावयं। आवेदन पाती समय-सीमा म रजिस्टर्ड डाक ले तको उल्लेखित पता म भेजे जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।