बडौदा स्वरोजगार विकास संस्थान (बडौदा आरसेटी) धमतरी डहर ले फोटोग्राफी अउ विडियोग्राफी प्रशिक्षण के खातिर अवइया 15 सितम्बर तक आवेदन मंगाये गे हावय। निदेशक, बड़ौदा आरसेटी ह बताइन के ए प्रशिक्षण म ग्रामीण बेरोजगार महिला अउ पुरूष जेकर उमर 18 साल ले 45 साल के बीच हावय, आवेदन कर सकत हावय। ये प्रशिक्षण पूरा फोकट म अउ आवासीय सुविधा ले युक्त हावय।
प्रशिक्षण के बखत फोटो सूट, विटियो ग्राफी, फोटो ग्राफी, एल्बम, बंधन एल्बम, करिज्मा एल्बम, डीएसएलआर कैमरा म फोटो शूट के प्रायोगिक जानकारी के संग सैद्धान्तिक जानकारी तको दे जाही। प्रशिक्षण बर 35 सींट आरक्षित हावय। जरूरी दस्तावेज म राशन कारड फोटोकापी, प्रमाणपत्र फोटोकापी 4 पासपोर्ट फोटो, आधार कारड अउ मनरेगा जॉब कारड के फोटोकापी, बैंक पास बुक के फोटोकापी अपन संग लेके मौजूद होए के हावय।
प्रशिक्षण के बाद बैंक डहर ले लोन सुविधा बर सलाह मौजूद हावय। ए संबंध म जादा जानकारी के खातिर निदेशक, बडौदा स्वरोजगार विकास संस्थान (बडौदा आरसेटी) धमतरी प्रशिक्षण सस्थान, कम्पोजिट बिल्डिग के पाछु धमतरी म सम्पर्क करे जा सकत हाबे। येकर अलावा फोन नंबर- +919408227557, +918839468509, +919755917024 म तको सम्पर्क करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।