शासन डहर ले महिला मन के उत्थान अउ सशक्तिकरण क्षेत्र म उत्कृष्ट बुता करइया राज्य के महिला मन ल हरेक साल राज्योत्सव के मउका म राज्य अलंकरण ले विभूषित करे जाथे। इही क्रम म ए साल मिनीमाता सम्मान (महिला उत्थान) ’’वीरांगनी’’ रानी अवंतीबाई लोधी सुरता पुरस्कार अउ “माता बहादुर कलारिन सम्मान“ साल 2025 राज्य स्थापना समारोह (राज्य उत्सव) म दे जाना हावय।
जिला कार्यक्रम अधिकारी महिला अउ बाल विकास विभाग श्रीमती जगरानी एक्का ह विभाग डहर ले दिये जाये वाला पुरस्कार, सम्मान के बारे म बताइन कि-
1 महिला मन बिसेस रूप ले अनुसूचित जाति-जनजाति आन पिछड़ा वर्ग या अल्पसंख्यक वर्ग के महिला मन के उत्थान बर उत्कृष्ठ बुता करइया राज्य के महिला, अशासकीय सस्था के योगदान ल प्रोत्साहित करे के उद्देश्य ले हरेक साल मिनी महतारी सम्मान (महिला उत्थान) दे करे जाथे।
2. महिला मन के उत्पीडन के खिलाफ संघर्ष नारी उत्थान बर अनोखा कार्य करइया राज्य के महिला ल प्रोत्साहित करे के उद्देश्य ले हरेक साल “माता बहादुर कलारिन सम्मान दे जाथे।
3. महिला मन बिसेस करके वीरता, शौर्य साहस अउ महिला मन म आत्मबल ल सशक्त करे के क्षेत्र म उत्कृष्ठ बुता करइया राज्य के महिला मन ल हरेक साल “वीरांगनी रानी अवंतीबाई लोधी सुरता पुरस्कार दे जाथे। येकर तहत एक महिला ल 02 लाख रूपिया के रकम अउ प्रशस्ति पट्टिका सम्मान के रूप म दे जाये के प्रावधान हावय।
ओमन बताइन के मिनीमाता सम्मान (महिला उत्थान), “वीरांगनी“ रानी अवंतीबाई लोधी सुरता पुरस्कार अउ “माता बहादुर कलारिन सम्मान“ बर आवेदन मंगाये हावय। ए संबंध म उत्कृष्ट बुता करइया महिला के प्रविष्टि जिला कार्यक्रम अधिकारी महिला अउ बाल विकास विभाग धमतरी म 26 सितम्बर 2025 तक प्रस्तुत कर सकत हावय। जादा जानकारी के खातिर जिला के वेबसाईट https://dhamtari.gov.in/ के अवलोकन करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।