मुख्यमंत्री विष्णुदेव साय के दूरदर्शी सोच अउ अगुवई म जशपुर जिला ल सरलग विकास के सौगात मिलत हावयं। खेल प्रतिभा ल पहचान अउ बढि़या मउका देवाये के दिशा म प्रदेस सरकार ह ऐतिहासिक कदम उठाये हावय। जिला के कुनकुरी म अत्याधुनिक इंटीग्रेटेड स्पोर्ट्स कॉम्प्लेक्स बनाये के खातिर शासन डहर ले 63 करोड़ 84 लाख 89 हजार रूपिया के प्रशासकीय मंजूरी दे हावय। ये खेल कॉम्प्लेक्स न सिरिफ जशपुर बल्कि पूरा सरगुजा संभाग के खातिर मील के पथरा साबित होही।
खिलाड़ी मन ल राष्ट्रीय अउ अंतर्राष्ट्रीय स्तर के सुविधा ए कॉम्प्लेक्स के बने ले मिलही। ग्रामीण अउ आदिवासी अंचल के खेल म रुचि रखे वाला युवा मन ल राष्ट्रीय अउ अंतर्राष्ट्रीय स्तर के खेल सुविधा मौजूद होही। अब खिलाड़ी मन ल बड़े शहर के तनि रुख करे के जरूरत नइ पड़ही। इहें म ओला प्रशिक्षण, प्रतियोगिता अउ खेल आयोजन के बढि़या सुविधा मिलही। ग्रामीण अउ शहरी दुनों क्षेत्र के छुपी होए खेल प्रतिभा निखरके आगू आही। युवा मन के खातिर खेल म कैरियर अउ रोजगार के नवा संभावना तको खुलही। स्थानीय खेल परेम करइया अउ युवा मन ह मुख्यमंत्री विष्णुदेव साय के आभार जता किहिन के ए कॉम्प्लेक्स के बने ले जशपुर जिला के पहचान खेल के क्षेत्र म अउ तको मजबूत होही।
ये होही बिसेस सुविधा-
इंटीग्रेटेड स्पोर्ट्स कॉम्प्लेक्स ल अत्याधुनिक खेल नेव अउ सुविधा ले सुसज्जित करे जाही। एमे सामिल होही एथलेटिक्स ट्रैक अउ पवेलियन, बास्केटबॉल कोर्ट, कबड्डी अउ खो-खो के मैदान,आधुनिक स्विमिंग पूल अउ ड्रेस चेंजिंग रूम, वॉलीबॉल ग्राउंड, जंपिंग गेम अउ खेल औजार ये सबो बेवस्था ले खिलाड़ी मन ल बड़े स्तर म प्रशिक्षण अउ प्रतियोगिता म भाग ले के मउका मिलही।
जशपुर के खेल म नया स्वर्णिम अध्याय
जशपुर जिला पहिली ले ही अपन खेल प्रतिभा के खातिर परसिध रिहिन हावय। इहां ले कई खिलाड़ी राष्ट्रीय स्तर तक पहुंचे हावयं। अब ए इंटीग्रेटेड स्पोर्ट्स कॉम्प्लेक्स के बनाये ले ये परंपरा अउ मजबूत होही। मुख्यमंत्री विष्णुदेव साय के ये कदम न सिरिफ खेल प्रतिभा के उज्ज्वल भविष्य के गारंटी हावय, बल्कि ये जशपुर ल खेल के भूमि के रूप म नवा पहचान तको दिलाही।


सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।