✍️ अंजोर संवाददाता 📅 मई 2025
छत्तीसगढ़ी सिनेमा अब सिरिफ गांव-गंवई के मया-ममता नइ, बल्कि नवा पीढ़ी के धड़कन बने के रसता कोति लमियावत दिखत हावय। मोर छइंहा भुइंया 3 के नवा गीत ‘Heart Beat - हार्टबीट’ ए बात के पक्का सबूत आय। लक्षित झांझी अउ इशिका यादव के जोड़ी जऊन तरीका ले परदा म अपन रोमांटिक केमिस्ट्री ला जीवंत करिन हे, ओहा दर्शक मन के दिल के धड़कन ला सच म बढ़ा देथे।
🎬 फिल्म अउ गीत के अलख – नवा जोड़ी, नवा अंदाज
‘मोर छइंहा भुइंया 3’ के गीत ‘Heart Beat’ म छत्तीसगढ़ी म्यूजिक म एक नवा स्वाद आय। निर्देशक सतीश जैन ह लक्षित-इशिका ला स्क्रीन म जइसने उतारिन हे, ओमा नवापन दिखथे। लक्षित के आँख म आत्मविश्वास के चमक हे, त इशिका के हँसी म संकोच भरे मोहकपन। दूनों के बीच के नजदीकी, नजर-इशारा, मुस्कान अउ हलका-फुलका छेड़छाड़ सब्बो कुछ एकदम "Heart Beat" के नाम ला सार्थक कर देथे।
🎧 संगीत – सुर म दिल, लय म रोमांस
गीत म संगीत संयोजन प्रफुल्ल बेहेरा के हवय, अउ गायक हे सुनील सोनी, जेकर आवाज म एक ठन गहराई हे, अनुपमा मिश्रा, जेकर सुर म मधुरता हवय। मधुर धुन संग, रोमांटिक बोल हर दर्शक मन ला अपन पहिली मया के याद दिला देथे। ए गाना सुन के मन म अइसन लगथे जइसे दिल के भीतर काबर धड़कत हे। ओला अब सुर मिल गे हे।
🎥 दृश्य अउ छायांकन – रोमांस ला परदे म सजाय हे
सिद्धार्थ सिंह के कैमरा वर्क एकदम जानदार हे। हरे-भरे मैदान, झरना के किनारा, बाइक राइड अउ बारिश के सीन,
रोमांटिक गीत म जऊन-जऊन चीज जरूरी होथे, ओ सब्बो भरपूर हे। कोरियोग्राफी घलो सुरुचिपूर्ण हे– ओमा फूहड़ता नइ, बल्कि नजाकत हे। लक्षित अउ इशिका के बीच के नाच-हरकत मन एतका सहज हे जइसे असल म प्रेम करत होवंय।
💑 लक्षित-इशिका के जोड़ी – रोमांस के नवा प्रतीक
ए दूनो कलाकार पहिली बेर स्क्रीन म संग आए हं। हांलाकि ओमन छॉलीवुड म कई फिलिम म का कर चुके हावय, अनुभवी कलाकार हे। फेर जऊन नजदीकी के भाव ओमन परदा म उकेरे हं, ओला देख के लगे हे के आने वाला समय म ए जोड़ी छत्तीसगढ़ी सिनेमा के पोस्टर बॉय-गर्ल बन सकत हें। लक्षित झांझी के अभिनय म शरारत संग आत्मविश्वास हे। इशिका यादव के अभिनय म मासूमियत हे, जे ह दिल ला छू जाथे।
🧡 "Heart Beat" म ओमन के रोमांस सिरिफ देखे नइ, बल्कि महसुस करे जाथे।
- बोल, भाव अउ भाषा – आधुनिकता संग माटी के गंध।
- गीत के बोल धनराज दाधीच अउ सतीश जैन के लेखनी ले निकले हे।
- एमा "Heart Beat" जइसन अंगरेजी शब्द रहिथे, फेर संग म छत्तीसगढ़ी के मिठास ला टूटे नइ देवय।
- गीत के बोल म एकदम नवा पीढ़ी के ठसक हवय – जेन ला आज के युवा मन अपन गीत म देखे के चाहथें।
🔧 तकनीकी पक्ष – हर फ्रेम म मेहनत झलकथे
🎞️ एडिटिंग – तुलेन्द्र पटेल के सुघ्घर एडिटिंग
💡 लाइटिंग – बाबू के कसा-बसा रौशनी
🎬 डबिंग – स्वप्निल स्टूडियो, रायपुर
🎙️ रिकॉर्डिंग – मिलन स्टूडियो, कटक
💥 एक्शन – एस. बाबू के हलका स्टंट टच
💃 कोरियोग्राफी – सिद्धार्थ सिंह के मनभावन स्टेप्स
"मोर छइंहा भुइंया 3" म लक्षित झांझी अउ इशिका यादव के रोमांस ला देख के ए बात पक्का कहे जा सकथे – ए दारी जोड़ी दर्शक मन के दिल म ठउर पोगरा डरे हे- तहू मन देखा गीत ल खाल्हे के लिंक म।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।