स्वास्थ्य मंत्री टी.एस. सिंहदेव ह जगदलपुर मेडिकल कॉलेज म क्रिटिकल केयर हेल्थ ब्लॉक के करिन भूमिपूजन

अंजोर.जगदलपुर। स्वास्थ्य मंत्री टी.एस. सिंहदेव ह आज जगदलपुर सरकारी मेडिकल कॉलेज परिसर म 23 करोड़ 75 लाख रूपिया के लागत ले बने वाला 50 खटिया क्रिटिकल केयर हेल्थ ब्लॉक के भूमिपूजन करिन। ओमन 35 लाख रूपिया के लागत के सामुदायिक स्वास्थ्य केंद्र बस्तर अउ 30 लाख रूपिया के लागत ले खाद्य अउ दवई प्रशासन विभाग के संभागीय कार्यालय के बनाये के खातिर तको भूमिपूजन करिन। बस्तर के सांसद दीपक बैज, चित्रकोट के विधायक राजमन बेंजाम, जगदलपुर नगर निगम के सभापति श्रीमती कविता साहू अउ मेडिकल कॉलेज के डीन डॉ. पैकरा तको ए बखत मौजूद रिहिस।

स्वास्थ्य मंत्री सिंहदेव ह आज तोकापाल विकासखंड के सिंघनपुर म संचालित ग्रामीण औद्योगिक पार्क (RIPA) के गतिविधी के अवलोकन करिन। ओमन रीपा म कार्यरत महिला समूह के सदस्य मन ले आर्थिक गतिविधी के बारे म जानकारी लिस। सिंहदेव ह उहां महिला समूह डहर ले संचालित प्रीमियम बेकरी इकाई डहर ले बने बिस्किट खरीदा। स्वास्थ्य मंत्री ह लोहंडीगुड़ा सामुदायिक स्वास्थ्य केंद्र के आकस्मिक निरीक्षण तको करिन। ओमन उहां मुहैया कराइन जा रेहे स्वास्थ्य सुविधा अउ दवई मन के उपलब्धता के जानकारी लिस। सिंहदेव ह इहां संचालित ओपीडी के तको जायजा लिस।