अंजोर.रायपुर। खाद्य, नागरिक आपूर्ति अउ उपभोक्ता संरक्षण मंत्री अमरजीत भगत ह आज इहां अपन निवास कार्यालय सरगुजा कुटीर म ,खाद्य विभाग के वरिष्ठ अधिकारी मनके बइठक लेके विभागीय काम-काज के समीक्षा करिस। ओमन बइठक म राशन कार्डधारी मनला सुगमतापूर्वक राशन वितरण, पाछु साल उर्पाजित धान के कस्टम मिलिंग अउ अवइया खरीफ विपणन साल म धान खरीदी के खातिर जरूरी तइयारी के संबंध म विस्तारपूर्वक गोठबात के अउ जरूरी दिशा-निर्देश दिस।
मंत्री भगत बइठक म प्रदेस म संचालित 13,665 सरकारी उचित कीमत के दुकान के माध्यम ले राज्य के 74 लाख 76 हजार राशन कार्डधारियों के हर महीना बांटे के जा रेहे राशन बाटे के विस्तार ले जानकारी लिस। ओमन सबो राशन कार्डधारियों के संवेदनशीलता के संग सुगमता पूर्वक राशन बाटे सुनिश्चित करे के निर्देश अधिकारी मनला दिस।
मंत्री भगत ह किहिन के जादा सियान अउ शारीरिक रूप ले निःशक्त मनखे मन के बायोमेट्रिक प्रमाणीकरण के जरिए राशन सामान मिले करे म कोनो असुविधा न हो, येकर खातिर राज्य शासन डहर ले राशन सामान के उठाव के खातिर ओला अपन प्रतिनिधि या नामिनि नियुक्त करे के प्रावधान करिन हावय। प्रदेस म 1.06 लाख अइसे हितग्राही लाभान्वित हो रिहिन हावयं।
खाद्य मंत्री भगत ह किहिन के वन नेशन वन राशनकार्ड योजना के ले राज्य के अस्थाई प्रवास करे वाला मजदूर परिवार के आन राज्य म राशन प्रदाय करे के सुविधा तको राज्य शासन डहर ले उपलब्ध कराइन जा रेहे हावय। महीना मई म छत्तीसगढ़ के 515 प्रवासी परिवार डहर ले आन राज्य म बॉयोमेट्रिक प्रमाणीकरण के जरिए राशन सामान के उठाव करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।