छत्तीसगढ़ी फिल्म वैदेही 9 जून के रिलीज होही... नारी सशक्तिकरण ऊपर बने सुघ्घर फिलिम

अंजोर
0
छत्तीसगढ़ी फिल्म वैदेही 9 जून के रिलीज होही... नारी सशक्तिकरण ऊपर बने सुघ्घर फिलिम


सिद्धेश्वरम मूवीज एंड एंटरटेनमेंट, 24 फ्रेम प्रोडक्श्न के बैनर तले बने छत्तीसगढ़ी फिल्म ‘वैदेही’ अब 9 जनू 2023 के प्रदर्शित होही। ये फिल्म के निर्देशन करे हाबे मनीष मानिकपुरी ह जेन छॉलीवुड म ‘मार डारे मया म’ जइसे बे‍हतरीन फिल्म के भी निर्देशन कर चुके हाबे। फिल्म वैदेही के निर्माता हे सी. के. पटेल, सह-निर्माता सतीश जाडवानी अउ कार्यकारी निर्माता स्वाति मानिकपुरी हाबे।

ये फिल्म ले एवरग्रीन विशाल डेब्यू करही साथ ही श्रद्धा पाणिग्रही अउ काजल सोनबर तको अहम किरदार म नजर आही। आन बड़का कलाकार म रवि साहू, पुष्पेंद्र सिंह, पूरन किरी, नीरज उइके, सागर पांडा, अंजलि सिंह, दिव्या नागदेव, अनुसुइया मानिकपुरी, काजल कौशिक, संपदा मानिकपुरी, विक्रम राज उक के दमदार अदाकारी देखे बर मिलही।

बताथे के ये नारी सशक्तिकरण ऊपर बने छत्तीसगढ़ के एक बेहतरीन पारिवारिक छत्तीसगढ़ी फिल्म हे। जोन 2023 म कम्पलीट हो चुके रिहिस, अउ कई बार येकर प्रदर्शन डेट के भी खबर आत रिहिस फेर अब फाइनली 9 जून 2023 ले छत्तीसगढ़ के सबो सिनेमाघर म प्रदर्शित होही। मनीष मानिकपुरी छॉलीवुड के अनुभवी निर्देशक हे ओमन कई फिल्म म सहायक निर्देशन के काम करके खुद ल तरासे हाबे। उंकर परिवार म माता-पिता भी कला ले जुड़े हे छत्तीसगढ़ी लोक कला म उंकर बड़का नाम हे, नवलदास मानिकपुरी अउ अनुसुइया मानिकपुरी जी के सानिध्य उनला बचपन ले मिलिस।

छत्तीसगढ़ी फिल्म वैदेही के गाना अउ कुछ सीन सोशल मीडिया म अपलोड हो चुके हे जेमा स्कूल लाइफ के लव, रोमांस ल देखाये हाबे। फिल्म ले जुड़े लोगन के कहना हे के ये नारी सशक्तिकरण ऊपर बने छत्तीसगढ़ के एक पारिवारिक फिल्म आए। खैर जो भी हो फिल्म के कहानी ले पर्दा तो प्रदर्शन के बाद ही उठही। बहरहाल ये फिल्म ले डेब्यू करत अभिनेता एवरग्रीन विशाल बर परीक्षा के घड़ी हे साथ ही अभिनेत्री काजल सोनबेर ल तको छॉलीवुड म अपन मुकाम बनाये खातिर एक हिट फिल्म के अगोरा हाबे।

  • फिल्म : वैदेही
  • प्रोडक्शन : सिद्धेश्वरम मूवीज एंड एंटरटेनमेंट, 24 फ्रेम प्रोडक्शन
  • निर्देशक : मनीष माणिकपुरी
  • कलाकार : एवरग्रिन विशाल, श्रद्धा पाणिग्रही, काजल सोनबर, रवि साहू, पुष्पेंद्र सिंह, पूरन किरी, नीरज उइके, सागर पांडा, अंजलि सिंह, दिव्या नागदेव, अनुसुइया मानिकपुरी, काजल कौशिक, संपदा मानिकपुरी, विक्रम राज
  • निर्माता : सी. के. पटेल
  • सह-निर्माता : सतीश जाडवानी
  • कार्यकारी निर्माता : स्वाति मानिकपुरी
  • लेखक/ निर्देशक : गंगा सागर पांडा
  • डीओपी : सिद्धार्थ सिंह
  • गीत : नवलदास मानिकपुरी, संजय मैथिल, मो. सफर, मोनिका
  • संगीत : सोम दत्त पांडा, परवेज खान, तोशांत-मोनिका
  • संपादक : रितेश दास

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !