छत्तीसगढ़ म सरकारी नौकरी के सिलसिला शुरू : मुख्यमंत्री भूपेश बघेल

छत्तीसगढ़ म सरकारी नौकरी के सिलसिला शुरू : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह किहिन हावय के राज्य शासन के ये प्रयास हावय के आने-आने विभाग म खाली पद म तेजी ले भरती हों। युवा मन ल सरकारी सेवा म काम करे के मउका मिले। कोर्ट के आदेश के बाद छत्तीसगढ़ म सरकारी नौकरी मन म भरती के सिलसिला तेजी ले सुरू होगे हावय। आने-आने विभाग डहर ले नवा भरती के खातिर सरलग विज्ञापन जारी करे  जात हावयं, इही रकम ले जिहां चयन प्रक्रिया पूरा होगे, उहां नियुक्ति आदेश जारी करे  जात हावयं।

मुख्यमंत्री इहां अपन निवास कार्यालय परिसर म आयोजित आभार कार्यक्रम ल सम्बोधित करत रिहिस। लम्बा इंतजार के बाद नियुक्ति आदेश जारी होए ले उत्साहित जल संसाधन विभाग के चयनित उप अभियंता अउ ऊर्जा विभाग म नवनियुक्ति जूनियर इंजीनियर अउ डाटा एंट्री ऑपरेटर डहर ले मुख्यमंत्री बघेल के प्रति आभार प्रकट करे के खातिर ये कार्यक्रम आयोजित करे गिस। जानबा होवय के मुख्यमंत्री भूपेश बघेल के मंशा के मुताबिक ऊर्जा विभाग अउ जल संसाधन विभाग डहर ले चयनित उप अभियंता के नियुक्ति आदेश तुरते जारी करे गिस। ऊर्जा विभाग के डाटा एंट्री ऑपरेटर के डाक्यूमेंट के सत्यापन के बुता करे जात हावय। जल्दीा ही उंकर नियुक्ति आदेश विभाग डहर ले करे  जाही।

छत्तीसगढ़ विद्युत पारेषण कंपनी के एमडी श्रीमती उज्जवला बघेल ह प्रतिवेदन प्रस्तुत करत बताइन के छत्तीसगढ़ राज्य पावर कंपनी ह जूनियर इंजीनियर के 307 पद अउ डाटा एंट्री ऑपरेटर के 400 पद म भरती के खातिर जनवरी 2022 म परीक्षा आयोजित करे गे रिहिस। अगस्त 2022 म 276 जूनियर इंजीनियर के नियुक्ति आदेश जारी कर दे गे रिहिस। कोर्ट के आदेश के बाद 31 जूनियर इंजीनियर के नियुक्ति आदेश जारी करे  गे हावयं। जल संसाधन विभाग के अधीक्षण यंत्री पी.के. शर्मा ह बताइन के उप अभियंता के 400 पद म जल संसाधन विभाग डहर ले भरती के खातिर विज्ञापन जारी करे रिहिस, भरती प्रक्रिया पूरा के बाद चयनित 352 उप अभियंता के नियुक्ति आदेश जारी कर दे गे हावयं। बांचे 48 पद म  जल्दीय आदेश जारी करे  जाही।

ए मउका म पहिली सांसद नंद कुमार साय, छत्तीसगढ़ राज्य खनिज विकास निगम के अध्यक्ष गिरीश देवांगन, मुख्यमंत्री के सलाहकार विनोद वर्मा, ऊर्जा विभाग के सचिव अंकित आनंद, जल संसाधन विभाग के सचिव अनबलगन पी. तको उपस्थित रिहिस।