तातापानी महोत्सव के सुभारंभ करिस मुख्यमंत्री भूपेश बघेल, तीन दिवसीय मेला म छत्तीसगढ़, झारखण्ड, मध्यप्रदेश अउ उत्तरप्रदेश ले दरस करइया पहुंचही

तातापानी महोत्सव के सुभारंभ करिस मुख्यमंत्री 

अंजोर.रायपुर। मुख्यमंत्री भूपेश बघेल ह मकर संक्रांति के मउका म बलरामपुर जिला के ऐतिहासिक तीन दिवसीय तातापानी महोत्सव के सुरू करिन। ए मउका म मुख्यमंत्री ह  976 करोड़ 47 लाख के विकास बुता के शिलान्यास अउ लोकार्पण करिन। एमे  रामानुजगंज विधानसभा क्षेत्र म 284 विकास बुता के शिलान्यास अउ 446 विकास बुता के लोकार्पण, सामरी विधानसभा क्षेत्र म 777 विकास बुता  के शिलान्यास अउ 16 विकास बुता के लोकार्पण अउ प्रतापपुर विधानसभा क्षेत्र म 46 विकास बुता के शिलान्यास अउ 138 विकास बुता के लोकार्पण सामिल हावय।

येकर संग ही मुख्यमंत्री बघेल ह भेंट-मुलाकात कार्यक्रम के बखत करे गे 20 घोसना अउ 03 निर्देश के शिलान्यास अउ सामरी विधानसभा क्षेत्र म विद्युत विभाग के दू घोसना के बुता के लोकार्पण करिन। महोत्सव के बखत मुख्यमंत्री भूपेश बघेल सामूहिक कन्या बिहाव योजनान्तर्गत 501 जोड़ा के बिहाव समारोह म सामिल होइस अउ नव दंपत्ति मनला आशीर्वाद दीस।

धार्मिक मान्यता अउ भूमिगत गर्म जल स्त्रोत के नाम ले परसिध तातापानी म हरे‍क बछर सही एसो घलोक मकर संक्रांति परब म जबर मेला लगथे। जिहां जिला के पड़ोसी राज्य झारखण्ड, मध्यप्रदेश, उत्तरप्रदेश ले दरस करइया पहुंच हावयं। लोगन के श्रद्घा अउ आस्था के सम्मान करत हरेक साल जिला प्रशासन के डहर ले तीन दिवसीय तातापानी महोत्सव के आयोजन करे जाथे।

मुख्यमंत्री ह बघेल ह रीति रिवाज ले ऐतिहासिक तातापानी म भगवान  शिव के पूजा अर्चना करके इहां स्थापित 12 ज्योतिर्लिंग के तको दरसन करथे । येकर पाछु ओमन आने-आने सरकारी योजना मन म आधारित विकास बुता के स्टॉल के माध्यम ले लगाये गे प्रदर्शनी के तको अवलोकन करिन करही।

तातापानी संक्रांति परब के मउका म स्कूल शिक्षा अउ आदिम जाति कल्याण मंत्री डॉ. प्रेमसाय सिंह टेकाम, धार्मिक न्यास अउ धर्मस्व, पर्यटन विभाग के संसदीय सचिव अउ सामरी विधायक चिन्तामणी महाराज, सरगुजा विकास प्राधिकरण के उपाध्यक्ष अउ रामानुजगंज विधायक बृहस्पत सिंह सहित क्षेत्र के निर्वाचित जनप्रतिनिधि तको सामिल होइस।