गौरेला पेंड्रा मरवाही जिला के बेलपत म स्वास्थ्य केंद्र खुले ले मिलिस सुरक्षित जचकी के लाभ

गौरेला पेंड्रा मरवाही जिला के बेलपत म स्वास्थ्य केंद्र खुले ले मिलिस सुरक्षित जचकी के लाभ

अंजोर.गौरेला पेंड्रा मरवाही। मुख्यमंत्री भूपेश बघेल के घोसना म गौरेला विकासखंड के गांव बेलपत म स्वास्थ्य केंद्र खुले ले ग्रामीण महिला मनला सुरक्षित जचकी के लाभ मिले लगे हावय। बेलपत के महिला सेमकुंवर पैकरा ह आज स्वस्थ लइका न जनम दीस।

जानबा होवय के प्रदेस के स्वास्थ्य सचिव प्रसन्ना आर ह बीते 11 जनवरी के कलेक्टर सुश्री ऋचा प्रकाश चौधरी के संग उप स्वास्थ्य केंद्र बेलपत के निरीक्षण करके स्वास्थ्य सुविधा के जायजा ले के संग ही गर्भवती महिला मन के सुरक्षित जचकी कराये के खातिर नर्सेज ल प्रशिक्षित कराये के निर्देश दे रिहिस। सचिव स्वास्थ्य के निर्देश के मुताबिक हेल्थ एंड वेलनेस सेंटर बेलपत के सामुदायिक स्वास्थ्य अधिकारी (सीएचओ) गीतांजली वर्मा के प्रशिक्षण देके डॉ अभिमन्यु सिंह बीएमओ गौरेला के मार्गदर्शन म जचकी कराये जाना चालू करे गिस। सेमकुंवर ह आज बिहनिया 7.20 बजे एक स्वस्थ्य लइका ह जनम दीस। नवजात शिशु के वजन 2.6 किलोग्राम हावय। अब गर्भवती महिला मन के सामान्य जचकी के खातिर खोडरी अउ गौरेला जाये के जरूरत नइ पड़ही।