अंजोर.रायपुर। मुख्यमंत्री भूपेश बघेल के जरूरी योजना मन म ले एक सुराजी गांव योजना के तहत संचालित नरवा विकास योजना (भू-जल संरक्षण कार्य), लघुवनोपज संग्रहण, प्रसंस्करण अउ विपणन अउ आन नवाचारी योजना मन के अवलोकन अउ प्रशिक्षण बर इंदिरा गांधी राष्ट्रीय वन अकादमी, देहरादून डहर ले भारतीय वन सेवा के 2021-2023 बेच के 33 प्रशिक्षु अधिकारी मनला छत्तीसगढ़ प्रवास म भेजे गे हावय। वन अउ जलवायु बदलाव मंत्री मोहम्मद अकबर ह प्रशिक्षण कार्यक्रम म सामिल होवत भारतीय वन सेवा के प्रशिक्षु अधिकारी मनला प्रोत्साहित करिन।
जानबा हावय के छत्तीसगढ़ लघुवनोपज संघ डहर ले अभी के बेरा म 65 लघु वनोपज के न्यूनतम समर्थन कीमत म खरीदी करइया छत्तीसगढ़ पहिली राज्य हावय। छत्तीसगढ़ सरकार ह ग्रामीण अर्थव्यवस्था के मजबूत बनाये अउ किसान मनके आय के बढ़ाये के खातिर सुराजी गांव योजना के तहत नरवा-गरवा-घुरवा अउ बाड़ी योजना संचालित करे जात हावय। जेकर तहत नरवा विकास कार्यक्रम संचालित करे जात हावय। अइसे ही प्रदेस के वानिकी गतिविधी के संबंधित केऊ कल्याणकारी योजना अउ कार्यक्रम के प्रशिक्षण बर भारतीय वन सेवा के प्रशिक्षु अधिकारी मनला 13 जनवरी के नवा रायपुर, अटल नगर म स्थित अरण्य भवन म दे गिस।
कार्यक्रम म प्रधान मुख्य वन संरक्षक अउ वन बल प्रमुख, छत्तीसगढ़ संजय शुक्ला, डहर ले छत्तीसगढ़ म लघु वनोपज के संग्रहण, प्रसंस्करण अउ विपणन के दिशा म कराये जात बुता के सारगर्भित जानकारी देत नव चयनित भारतीय वन सेवा के अधिकारी मनला प्रशिक्षण दे गिस। अपर प्रधान मुख्य वन संरक्षक तपेश कुमार झा, डहर ले वन विभाग के आने-आने गतिविधी के संबंध म विस्ता्र ले जानकारी दीस।
इही कड़ी म मुख्य कार्यपालन अधिकारी (कैम्पा) व्ही. श्रीनिवास राव. डहर ले प्रदेस म नरवा योजना ले वनक्षेत्र म नाला के बारहमासी स्वरूप के अक्षुण्ण बनाये रखे बर उंकर जल ग्रहण क्षेत्र म रिज टू वैली एप्रोच आधारित भू-जल संरक्षण बुता के क्रियान्वयन के तकनीकी ले आरो कराइन अउ भू-जल संरक्षण बुता के जी.आई.एस. पद्धति ले डी.पी. आर तइयार करे के प्रशिक्षण दे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।