 |
| वन अधिकार पट्टाधारी 28 बैगा किसान मनला मिलिस सब्जी कीट |
अंजोर.मुंगेली। कलेक्टर राहुल देव के मार्गदर्शन म अचानकमार क्षेत्र के सुंदूर वनांचल गांव के वन अधिकार पट्टाधारी बैगा किसान मनके आर्थिक उत्थान अउ विकास के खातिर सरलग प्रयास करे जात हावय। इही कड़ी म काली 13 जनवरी के आदिवासी विकास विभाग के सहयोग ले उद्यानिकी अउ प्रक्षेत्र वानिकी विभाग डहर ले गांव बिजराकछार के 28 वन अधिकार पट्टाधारी बैगा किसान मनला 28 पैकेट सब्जी कीट, 616 फलदार पौधा, 840 किलो गांव वर्मी खातु अउ 56 लीटर ब्रम्हास्त्र जैविक कीटनाशक के बाटे गिस। उद्यान विभाग के सहायक संचालक सतीश कुमार ह बताइन के कलेक्टर के निर्देश के मुताबिक जनप्रतिनिधी मन के उपस्थिति म बैगा किसान मन ल एक एकड़ भूमि के खातिर ये दे गिस। ए मउका म गांव के सरपंच, वन संरक्षण समिति के अध्यक्ष, उद्यान विभाग के क्षेत्रीय अमला अउ बड़ संख्या म ग्रामीणजन उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।