मुंगेली के रिया अउ जिया के टीवी रियलिटी शो इंडिया डांस पावर के मेगा राउंड म चयन

अंजोर.मुंगेली। कला केन्द्र मुंगेली के रिया अउ जिया के टीवी रियलिटी शो इंडिया डांस पावर के मेगा राउंड म चयन होए म कलेक्टर राहुल देव अउ पुलिस अधीक्षक चन्द्रमोहन सिंह ह बधाई अउ सुभकामना दे हावय। रिया अउ जिया ह कोरियोग्राफर अभय मानिकपुरी अउ अभिनेक के संग काली 13 जनवरी के जिला कलेक्टोरेट म कलेक्टर अउ पुलिस अधीक्षक ले सौजन्य मुलाकात करिस। ए बखत कोरियोग्राफर ह बताइन के रिया अउ जिया ह बिलासपुर अउ मुम्बई म टीवी रियलिटी शो इंडिया डांस पावर के खातिर ऑडिशन दे रिहिस। जेकर बाद उंकर चयन मेगा राउंड के खातिर होइस हावय। ए मउका म एटीआर क्षेत्र के उपसंचालक सत्यदेव शर्मा, अपर कलेक्टर तीर्थराज अग्रवाल उपस्थित रिहिस। जानबा होवय के जिला मुख्यालय मुंगेली म जिला प्रशासन डहर ले कला केंद्र के संचालन करे जात हावय। कला केंद्र के लइका के टीवी रियलिटी शो इंडिया डांस पावर के मेगा राउंड म चयन होना जिला के खातिर गौरव के बात हावय।