महासमुन्द म सड़क सुरक्षा सप्ताह कार्यक्रम के आयोजन

महासमुन्द म सड़क सुरक्षा सप्ताह कार्यक्रम के आयोजन

अंजोर.महासमुंद। पुलिस अधीक्षक डहर ले सड़क सुरक्षा सप्ताह 11 ले 17 तक जिला महासमुन्द म यातायात जागरूकता कार्यक्रम करे निर्देशित करे गिस। यातायात पुलिस महासमुंद के डहर ले एकलव्य आदर्श आवासीय स्कूल भोरिंग थाना तुमगांव, सरकारी उच्चतर माध्यमिक स्कूल भोरिंग तुमगांव, स्वामी आत्मानंद हिन्दी मीडियम स्कूल नयापारा महासमुन्द, सरकारी महतारी कर्मा कन्या कॉलेज महासमुन्द अउ गुड शेफर्ड हायर सेकण्ड्री इंग्लीश स्कूल महासमुन्द म अध्यनरत् लगभग कुल 2310 पढ़ईया लइका अउ शिक्षक मन के यातायात नियम संकेत के जानकारी दीस।

सरकारी उच्चतर माध्यमिक स्कूल, भोरिंग थाना तुमगावं जिला महासमुन्द म पढ़ईया लइका के लगभग 100 सायकल म रेडियम पट्टी लगाये गिस। सबो स्कूल अउ कॉलेज म यातायात ले संबंधित वाद-विवाद प्रतियोगिता, रंगोली प्रतियोगिता अउ पेंटिंग ( पोस्टर ) प्रतियोगिता के आयोजन करके भाग लेवइया स्कूल/कॉलेज के पढ़ईया लइका ल तुरते पेन, कॉपी देके उत्साहवर्धन करे गिस।