 |
| धमतरी म प्रधानमंत्री आवास योजना (ग्रामीण) के तहत 35 हजार 183 हितग्राही के सपना होइस साकार |
अंजोर.धमतरी। प्रधानमंत्री आवास योजना (ग्रामीण) ले गरीब लोगन के अपन पक्का मकान होए के सपना साकार होवत हाबे। धमतरी जिला म शासन के महती प्रधानमंत्री आवास योजना (ग्रामीण) के तहत् पक्का मकान के खातिर साल 2016-17 ले 2022-23 तक कुल 36 हजार 550 स्वीकृत घर मन म 438 करोड़ 60 लाख रूपिया जारी करे जाना हावय। एमे अब तक कुल 35 हजार 183 पूरा घर मन म हितग्राही मन के 431 करोड़ 91 लाख 25 हजार रूपिया जारी करे गे हावय अउ 1367 घर प्रगतिरत हावय। अभी के बेरा म चार हजार 816 हितग्राही मन के शासन डहर ले पहली, दूसरी, अउ चौथी किश्त के रकम लगभग 09 करोड़ 85 लाख रूपिया सोज हितग्राही मन के खाता म हस्तांतरित करे गे हावय। बांचे बचे हितग्राही मन के किश्त प्रदाय करे के कार्रवाई करे जात हावय। इही रकम ले एक हजार 367 प्रगतिरत घर मन के पूरा होए के बाद छः करोड़ 68 लाख 75 हजार रूपिया जारी करे जाही। जानबा हो के प्रधानमंत्री आवास योजना (ग्रामीण) के अवधारणा ’’पक्का छत-पक्की दीवार’ के हावय, जेकर तहत् हितग्राही मन के प्रति घर रूपिया एक लाख 20 हजार रूपिया के दर ले दे जात हावय। संग ही 90 दिन के मजदूरी भुगतान महात्मा गांधी राष्ट्रीय ग्रामीण योजना के तहत तको उपराहा तौर म दे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।