राज्य योजना आयोग छत्तीसगढ़ : नवाचार मनला प्रोत्साहित करे खातिर देही आर्थिक सहायता

नवाचार मनला प्रोत्साहित करे खातिर देही आर्थिक सहायता

अंजोर.रायपुर। राज्य योजना आयोग छत्तीसगढ़ डहर ले राज्य म नवाचार ल प्रोत्साहित करे के उद्देश्य ले आर्थिक मदद बर अउ राज्य के संतुलित विकास म उपयोगी नवाचार के पहचान करे के उद्देश्य ले आवेदन पाती आमंत्रित करे गे हावय। ए आशय के आदेश राज्य योजना आयोग छत्तीसगढ़ डहर ले जारी करे गे हावय।

जारी आदेश के तहत राज्य के संतुलित विकास म उपयोगी नवाचार के पहचान करे के उद्देश्य ले राज्य के शैक्षणिक अउ शोध संस्था, सरकारी अउ निजी संस्था, उद्योग अउ नवप्रवर्तक ले आवेदन पाती आमंत्रित करे गे हावय। इच्छुक व्यक्ति-संस्था मन ए संबंध म राज्य योजना आयोग डहर ले जारी दिशा-निर्देश के मुताबिक आवेदन पाती प्रस्तुत कर सकत हावयं।

नवाचार के आवेदन बर दिशा-निर्देश अउ आवेदन के प्रारूप राज्य योजना आयोग के वेबसाइट spc.cg.gov.in म उपलब्ध हावय। आवेदन करइया अपन आवेदन ऑफलाइन या ऑनलाइन ई-मेल आईडी ms.cgspc@gov.in म संलग्न करार प्रारूप म सदस्य सचिव, राज्य योजना आयोग छत्तीसगढ़ के प्रेषित कर सकत हावय।