शासकीय स्कूल म 20 जनवरी के होही स्कूल प्रबंधन समिति के बइठक

शासकीय स्कूल म 20 जनवरी के होही स्कूल प्रबंधन समिति के बइठक

अंजोर.रायपुर। राज्य म सबो सरकारी स्कूल म ए सत्र म स्कूल प्रबंधन समिति के तीसरा बइठक 20 जनवरी के आयोजित करे के निर्देश प्रबंध संचालक समग्र शिक्षा डहर ले सबो जिला शिक्षा अधिकारी मनला, प्राचार्य जिला शिक्षा अउ प्रशिक्षण संस्थान अउ जिला मिशन समन्वयक ल दे हावयं। समग्र शिक्षा डहर ले बइठक के खातिर तय एजेण्डा के मुताबिक स्कूल म आयोजित होवइया स्कूल प्रबंधन समिति के बइठक म गोठबात करे जाही।

तय एजेण्डा के मुताबिक बइठक म निपुण भारत अभियान ले परिचय (सामग्री के अध्ययन) अउ निपुण भारत शपथ देवाये जाही। स्कूल म लइका के मूलभूत साक्षरता अउ संख्यात्मक ज्ञान के लक्ष्य के स्थिति अउ ओमा सुधार के खातिर जरूरी उपाय करना किहिन हावय। महतारी मन के उन्मुखीकरण के माध्यम ले लइका म सुधार बर ‘अंगना म शिक्षा’ कार्यक्रम, स्कूल स्कूल म गुणवत्ता परक शिक्षा के खातिर सोशल ऑडिट के आयोजन करे जाए। अर्धवार्षिक परीक्षा, बेसलाइन के परिणाम म गोठबात अउ सुधार के खातिर रणनीति बनाये जाए। स्कूल के अब तक मिले आने-आने अनुदान, इन्टरनेट, प्रिंट-रिच अउ आन मद ले मिले बजट अउ उंकर उपयोग के स्थिति के जानकारी अउ उपलब्ध बजट के महीना फरवरी तक व्यय करे के खातिर प्रस्ताव भेजे।

बइठक म येकर अलावा तीन साल के स्कूल विकास योजना के प्रस्तुतीकरण अउ आने-आने योजना के मुताबिक क्रियान्वयन के स्थिति, लइका के शिक्षा गुणवत्ता म सुधार के खातिर ‘सुघ्घर पढ़वईया’ योजना ले परिचय अउ स्कूल के पंजीयन अउ तइयारी के स्थिति के समीक्षा के जाए। कमजोर या लम्बा अनुउपस्थिति वाला लइका के स्कूल म उपस्थित होए के खातिर रणनीति बनाये जाए। उपचारात्मक शिक्षण ले करे  जात आने-आने बुता जइसे- बिसेस कोचिंग कक्षा के आयोजन, ऑनलाइन कक्षा, टेली-प्रेक्टीज के उपयोग, अभ्यास पुस्तक म कार्य, हस्तलेख सुधारे बर उपाय करे  जाए। 

पुस्तकालय के सरलग उपयोग अउ लइका के पढ़े के स्पीड अउ समझ म बड़वार बर उपाय करें। सबोच प्राथमिक स्कूल म लइका के भाषा के उपयोग के खातिर डिक्शनरी, गोठबात पुस्तक तइयार करे जाए। स्कूल म उपयोग संसाधन के बढि़या उपयोग बर स्कूल परिसर के भ्रमण करके सुझाव दे जाए। लइका के खेले के खातिर जरूरी बेवस्था अउ बस्ता-विहीन सनिच्चर के खातिर समुदाय के सहयोग ले जाए। स्कूल सुरक्षा ले संबंधित आने-आने मुद्दा के जानकारी लेके सोशल ऑडिट करे जाए अउ ग्रीष्मकाल म समर कक्षा के आयोजन करे खातिर जरूरी तइयारी करे जाए।