 |
| राजिम माघी पुन्नी मेला 10 फरवरी के होही सामूहिक कन्या विवाह, पंजीयन 5 फरवरी तक |
अंजोर.गरियाबंद। महिला, बाल विकास विभाग डहर ले राजिम माघी पुन्नी मेला के मउका म अवइया 10 फरवरी 2023 के मेला जगह म मुख्यमंत्री कन्या बिहाव योजना ले सामुहिक कन्या बिहाव योजना के आयोजन करे जाही। प्रदेस के महिला, बाल विकास विभाग अउ समाज कल्याण मंत्री अनिला भेड़िया अउ अमरजीत भगत के आतिथ्य अउ जनप्रतिनिधी मन सानिध्य म ये आयोजन करे जाही। जिला कार्यक्रम अधिकारी ए.के. पाण्डेय ह बताइन के ये आयोजन बर जिला के सबो परियोजना ले कुल 100 जोड़ा के पंजीयन कराये गे हावय। जेन माता-पिता अपन बिहाव योग्य लड़का-लड़की के समिलहा बिहाव कराना चाहत हावय। अइसे जोड़ा के पंजीयन आंगनबाड़ी केन्द्र अउ संबंधित परियोजना कार्यालय ले 05 फरवरी 2023 के तक कराये जा सकत हावय।
बिहाव बर कन्या ‘‘मुख्यमंत्री खाद्यान्न योजनांतर्गत जारी राशन कारड धारित’’ परिवार के होना चाहि। फेर बीपीएल के अकताहा आन कार्डधारी के तको पात्रता होही। कन्या के उमर 18 साल ले जादा अउ वर के उमर 21 साल ले जादा होना चाहि। वर-वधु के शैक्षणिक योग्यता (अंकसूची) ले उंकर उमर के सत्यापन करे जाही। कन्या अउ उंकर परिवार के छत्तीसगढ़ राज्य के निवासी होना अनिवार्य हावय। कन्या बिहाव बर वर-वधु के महतारी पिता के सहमति अनिवार्य होही। विधवा अउ परित्यकता महिला मन ल तको ए योजना के तहत् लाभान्वित करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।