 |
| बिलासपुर जिला के तखतपुर विधानसभा क्षेत्र म मुख्यमंत्री के भेंट-मुलाकात |
अंजोर.बिलासपुर। मुख्यमंत्री भूपेश बघेल अपन प्रदेशव्यापी भेंट-मुलाकात अभियान के तहत 18 जनवरी के तखतपुर विधानसभा क्षेत्र के गांव बेलपान अउ खैरी म आमजनता ले भेंट-मुलाकात करके उंकर समस्या अउ आवेदन के निराकरण करे के संग ही शासन के योजना मन के क्रियान्वयन के संबंध म फीडबैक लेही।
मुख्यमंत्री बघेल करार दौरा कार्यक्रम के तहत 18 जनवरी के 11. 00 बजे जैन इंटरनेशनल स्कूल सकरी, बिलासपुर ले हेलीकॉप्टर डहर ले प्रस्थान करके 11.20 बजे विधानसभा तखतपुर ले गांव बेलपान पहुंचही अउ उहां आम जनता ले भेंट-मुलाकात करही। मुख्यमंत्री येकर बाद मंझनिया 1.55 बजे गांव खैरी पहुंचही अउ 2.35 बजे ले आम जनता ले भेंट-मुलाकात करही। वो गांव खैरी ले 4.15 बजे कार डहर ले प्रस्थान करके विधानसभा तखतपुर ले गांव खपरी पहुंचही अउ उहां संझा 6.30 बजे ले आने-आने जनप्रतिनिधि मंडल ले भेंट करही। मुख्यमंत्री 18 जनवरी के रतिहा विश्राम गांव खपरी म करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।