 |
| छत्तीसगढ़ म हर साल बनत हावय धान खरीदी के नवा रिकार्ड |
अंजोर.बिलासपुर। मुख्यमंत्री भूपेश बघेल ह बिलासपुर जिला के तखतपुर विधानसभा के खैरी गांव म भेंट-मुलाकात के सम्बोधित करत किहिन के छत्तीसगढ़ म हर साल धान खरीदी के नवा रिकार्ड बन हावय। ए साल अब तक 100 लाख मीट्रिक टन ले जादा धान के खरीदी करे जा चुके हावय। नवा राज्य सरकार के गठन के बाद पहिली साल 84 लाख मीट्रिक टन, आन साल 93 लाख मीट्रिक टन, तीसरा साल 97 लाख मीट्रिक टन। किसान मन के 3 दिन म ही धान के पइसा मिल जाथे। मुख्यमंत्री ह गांव वाला ले राजीव गांधी किसान न्याय योजना के बारे म पूछिस अउ किहिन के अभी 3 क़िस्त दे चुके हावयं, तीसरा क़िस्त देवारी के समय देन, चौथी क़िस्त 31 मार्च के दिही।
मुख्यमंत्री ह किहिन के सबके आय म बड़वार होइस। किसान मजदूर मन के लइका के तको अच्छा शिक्षा मिले येकर खातिर हमन स्वामी आत्मानंद अंग्रेजी माध्यम स्कूल खोलेन। स्कूल के जीर्णोद्धार, आईटीआई केन्द्र के उन्नयन के खातिर हमन बजट म प्रावधान करेर। हमर ये प्रयास हावय के सबो के आर्थिक उन्नति होना चाही। आस्था केन्द्र के विकास के खातिर हमन प्रयास करिन। राम वन गमन पथ, हरेली तिहार, तीज परब म छुट्टी घोसित करिन। फुगड़ी जइसे छत्तीसगढ़ के पारंपरिक खेल के बढ़ावा दे के खातिर पहिली बार छत्तीसगढ़िया ओलंपिक के आयोजन करे गिस। मुख्यमंत्री ह किहिन के छत्तीसगढ़ पहल राज्य हावय, जिहां भूमिहीन मजदूर मन के सालाना 7 हजार रूपिया के आर्थिक मदद दे के खातिर राजीव गांधी ग्रामीण भूमिहीन कृषि मजदूर न्याय योजना सुरू करे गे हावय। छत्तीसगढ़ पहिली राज्य हावय जिहां कोदो-कुटकी अउ रागी समर्थन कीमत म खरीदे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।