पूर्व प्रधानमंत्री राजीव गांधी के सुरता ल अम्मर राखे खातिर रंजना गांव ल ‘राजीव गांधी रंजना‘ करे के घोसना करिस मुख्यमंत्री भूपेश बघेल

रंजना गांव ल ‘राजीव गांधी रंजना‘ करे के घोसना करिस मुख्यमंत्री भूपेश बघेल

अंजोर.कोरबा। भेंट-मुलाकात म कोरबा जिला के कटघोरा विधानसभा के गांव रंजना पहुंचिस मुख्यमंत्री भूपेश बघेल ह क्षेत्र के खातिर कई बड़ा घोसनां करिस। ओमन रंजना गांव के नामकरण पूर्व प्रधानमंत्री भारत रत्न स्वर्गीय राजीव गांधी के नाम म राजीव गांधी रंजना के रूप म करे के घोसना करिस। पूर्व प्रधानमंत्री स्वर्गीय राजीव गांधी 13 जुलाई 1985 म गांव रंजना आये रिहिस। उंकर सुरता ल अम्मंर बनाये के खातिर मुख्यमंत्री बघेल ह गांव के नामकरण उंकर नाम म करे के घोसना करिस।

मुख्यमंत्री बघेल ह येकरे गांव रंजना म जिला सहकारी केन्द्रीय बैंक के शाखा सुरू करे, नगर पालिका दीपका अउ बांकीमोंगरा म स्वामी आत्मानंद अंग्रेजी माध्यम स्कूल सुरू करे, भिलाई बाजार म उप-तहसील सुरू करे, कटघोरा म फार्मेसी कॉलेज के घोसना करिस। इही रकम ले ओमन सरकारी कॉलेज बांकी मोंगरा के भवन निर्माण, कृषि विज्ञान केन्द्र लखनपुर म किसानप्रशिक्षण केन्द्र भवन निर्माण, सरकारी हाईस्कूल बिरदा के उच्चतर माध्यमिक स्कूल म उन्नयन, सरकारी कॉलेज दीपका के नामकरण शहीद मूलचंद कंवर के नाम म करे, गांव तिवरता म बबा हीरा सिंह मरकाम के प्रतिमा स्थापना के घोसना करिस।

मुख्यमंत्री ह भेंट-मुलाकात जगह म छत्तीसगढ़ महतारी के छायाचित्र म दीप प्रज्जवलन, माल्यार्पण अउ छत्तीसगढ़ के राज्यगीत के संग भेंट-मुलाकात कार्यक्रम के शुरुआत करिस। ए मउका म लोकसभा सांसद श्रीमती ज्योत्सना महंत, आदिम जाति विकास अउ जिला के प्रभारी मंत्री डॉ. प्रेमसाय सिंह टेकाम, राजस्व मंत्री जयसिंह अग्रवाल, विधायक मोहित केरकेट्टा अउ पुरुषोत्तम कंवर, पहिली विधायक बोधराम कंवर तको उपस्थित रिहिस।

मुख्यमंत्री भूपेश बघेल ह भेंट-मुलाकात के सम्बोधित करत होइस किहिन के राज्य सरकार के खेती-किसानी ल बढ़ावा दे के नीति ले अकेल्लाह कोरबा म धान के उत्पादन चार गुना बढ़ा हावय अउ धान के ख़रीदी तको बाढ़हे हावय। सरकार लोगन के जेब म पइसा डाले के काम करत हावय। केंद्र सरकार सरलग महंगाई बढ़ाये के काम करत हावय। राज्य सरकार किसान, मजदूर, महिला के आय म बड़वार करे के बुता करत हावय। हमर प्रदेस किसान मन के प्रदेस हावय। आय बढ़ाये के संग पढ़ाई-लिखाई, स्वास्थ्य, बिजली पानी सब के बेवस्था करत हावयं।

ओमन किहिन के स्वास्थ्य के क्षेत्र में, शिक्षा के क्षेत्र म अउ गांव अउ शहर के जुन्ना स्कूल के मरम्मत, रंगाई के बुता तको करे जात हावय। शिक्षा, स्वास्थ्य, रोजगार के संग-साथ संस्कृति के बढ़ावा दे के काम हमर सरकार करत हावय। ओमन किहिन के तीजा पोरा, हरेली, विश्व आदिवासी दिवस, कर्मा जयंती के मउका म राज्य म छुट्टी घोसित करे गे हावय। खेल गतिविधी के आयोजन तको कराइन जात हावय, सरलग छत्तीसगढ़ के पहचान के संरक्षित करे के प्रयास करे जात हावय।